မြန်မာ ဒုက္ခသည်တွေ ပြန်ပို့ရေး မလေးရှား ရွှေ့ဆိုင်း - BBC NEWS မြန်မာ

၂၀၂၆ ခုနှစ်၊ စက်တင်ဘာလ ၃ ရက် ဘီဘီစီ မြန်မာတီဗီ အစီအစဉ် မလေးရှားမှာ လူဝင်မှု ဥပဒေ ချိုးဖောက်မှုတွေ နဲ့ ထိမ်းသိမ်းခံထားရတဲ့ မြန်မာ နိုင်ငံသားတွေ နေရပ် ပြန်ပို့ရေး ကိစ္စကို စက်တင်ဘာ လကုန်ပိုင်းမှာ ပြန်လည် စီစဉ်မယ်လို့ မြန်မာဘက်က ပြောကြား။ ဗန်းမော်ကို စစ်ကူဖို့ စစ်တပ်က စေလွှတ်လိုက်တဲ့ သင်္ဘောတွေကို ကေအိုင်အေနဲ့ ပူးပေါင်း အဖွဲ့တွေက ကြားဖြတ် တိုက်ခိုက်ခဲ့ပေမယ့် စစ်တပ် အင်အား တချို့ ဗန်းမော်အထိ ရောက်သွားပြီဖြစ်ကြောင်း စစ်ရေး အခြေအနေ သိရှိသူတွေက ပြော။ အင်ဒိုနီးရှား နိုင်ငံက ကြီးမားတဲ့ တောမီးလောင်ကျွမ်းမှုတွေကြောင့် အိမ်နီးချင်းနိုင်ငံတွေက သန်းနဲ့ချီတဲ့ လူတွေပါ အဆိပ်သင့် မီးခိုးဒဏ်ကို ခံစားနေရတဲ့ သတင်းတွေကို တင်ဆက်ပေးထားပါတယ်။ #ဘီဘီစီမြန်မာပိုင်း