TENSYON SA BUDGET HEARING: Tiangco, kinuwestiyon ang pagsusuri sa House budget

Nagkaroon ng tensyon sa unang pagdinig ng House Committee on Appropriations matapos kuwestiyunin ni Navotas Rep. Toby Tiangco kung bakit hindi isinailalim sa pre-plenary deliberations ang panukalang 2027 budget ng Kamara. Giit ni Tiangco, dapat ding masusing suriin ang naging paggamit ng pondo ng mababang kapulungan noong 2025 at 2026 bago talakayin ang panukalang budget para sa 2027. Aniya, walang batas o probisyon na nagbubukod sa Kamara sa parehong proseso ng pagsusuri na ipinaiiral sa iba pang ahensya ng pamahalaan.