Кітаппен бірге - арманға!

Бүгінгі подкаст қонағымыз “Barsum” туралы маңызды әңгіме-үлкен алаңда! “Barsum” жобасының қалаушысы Серік Тәпек. Бұл – балалардың кітап оқуға деген қызығушылығын арттыруға арналған инновациялық стартап жоба. Жобаның басты мақсаты – кітап оқуды қызықты ойын форматына айналдыру. Әр оқылған кітап үшін бала арнайы ұпай жинайды. Белгілі бір мөлшерде ұпай жинаған кезде ата-анасы алдын ала уәде еткен армандаған сыйлығына қол жеткізеді. Осылайша бала кітапты міндет ретінде емес, өз арманына жетелейтін мүмкіндік ретінде қабылдайды. Ал ата-ана баласының оқу дағдысын қалыптастырып, бірге мақсатқа жетудің қуанышын бөліседі. Жобаның құндылығы: Балаларды тұрақты кітап оқуға ынталандыру; Оқу мәдениетін қалыптастыру; Ата-ана мен бала арасындағы ынтымақтастықты нығайту; Баланың білімге деген қызығушылығын арттыру; Ұлттық оқырман ұрпағын тәрбиелеу. Ұраны: «Әр кітап – арманыңа бастар бір қадам!»