Ўзбекистон: Нега Обидхон қори Назаров яна экстремист сифатида талқин қилинмоқда?

Тошкентдаги жамоат жойларида таниқли уламо, айни дамда Швецияда истиқомат қилаётган Обидхон қори Назаровнинг қидирувда эканлиги тўғрисида маълумотлар пайдо бўлди. Экранларга чиқарилган маълумотда Обидхон қорининг ҳозир қаерда яшаётганлиги кўрсатилган ва у "Жиҳодчилар" диний экстремизм оқими раҳбари сифатида талқин қилинган. Обид қори Назаровнинг яқинлари ушбу янгиликдан ажабланганини билдирмоқда. Чунки уларнинг айтишича, сўнгги икки йил ичида таниқли уламонинг Наманган шаҳридаги ота-онаси уйига бир гуруҳ мулозимлар бир неча маротаба ташриф буюрган.