王嘉爾獲邀成國際劍擊總會全球大使 世界劍擊錦標賽即場簽約成全球首人

王嘉爾獲邀成國際劍擊總會全球大使 世界劍擊錦標賽即場簽約成全球首人 近年不斷於全球各地舉行巡迴演出嘅 王嘉爾 近日返港，星期六更出席首次於香港舉行嘅世界劍擊錦標賽2026，曾為劍擊運動員嘅Jackson，仲獲國際劍擊總會委任為有史以來首位全球大使，呢日更即場舉行簽約儀式。 曾代表香港出戰更獲不俗成績嘅Jackson，仲指希望可以同全世界所有朋友分享有關劍擊嘅樂趣，亦想令更多朋友了解同接觸呢項運動。Jason認為劍擊就似移動嘅象棋，運動員仲需要有唔同嘅策略同戰術應付對手，比賽心情都可以應用於日常生活。 因為王爸爸亦曾係劍擊運動員，更係中國首名亞運冠軍，Jackson就指可能自少耳濡目染，被父母於體院教練工作熏陶下走進運動員世界，更因而想追及父母嘅佳績而努力。 雖然早已加入娛樂圈，不過Jackson就指自己有計劃延續劍擊夢，將開辦劍擊訓練學校，希望青少年學習當中受用一生嘅道理。呢日佢仲提到有三分之一時間於美國生活，當地亦令佢製作新專輯更有效率，而新作亦隨時準備好推出喇。 #王嘉爾 #國際劍擊總會全球大使 #世界劍擊錦標賽 #即場簽約 #移動象棋 #父母 #國家隊運動員 #香港代表 #LA生活 #新專輯 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0