17 PASODOBRE DAS RÁS - versión para unha gaita soa

Por fin xa saíu á luz o oitavo volume da colección de partituras das novas "PEZAS GUAPAS PARA GAITA, PARA ZANFONA E ACORDEÓN", da miña autoría. A este oitavo volume chameino "DESPEDIDA E PECHE" por razóns obvias. Pero non nos enganemos. O único que despedimos e pechamos é esta colección. Xa hai novos proxectos en marcha. Neste volume de remate aparecen 22 novos temas con rítmos moi diversos: valses, rapsodias, muiñeiras, mazurcas, xotas, rumbas, carballesas, alboradas, foxtrots e, como non, pasodobres. Coma este "PASODOBRE DAS RÁS" que hoxe presento aquí nunha versión para unha gaita, que gravei estes días atrás. É o tema que figura en décimo sétimo lugar no libro. Está gravada con gaita do Obradoiro Zamáns, punteiro de Agustín Freiría, palleta de Iglesias e pallóns que fixen eu, de cana de tódala vida. Espero que vos anime a mercar a colección de libros que xa está compreta e dispoñible. Podedes contactar por este medio. Forza, saúde, e que cante @ merl@.