ഊരല്ലാ റബ്ബീ ഊരല്ലാ Ooralla rabbhi I Usthad Thavakkal Musthafa Kadalundi

ഊരല്ലാ റബ്ബീ ഊരല്ലാ ഉറയിൽ നിന്ന് കത്തി ഊരല്ലാ... ✍ മർഹൂം ഉസ്താദ് കെ.വി അബൂബക്കർ മാസ്റ്റർ പൊന്നാനി 🎤 തവക്കൽ മുസ്തഫ കടലുണ്ടി ഊരല്ലാ റബ്ബീ ഊരല്ലാ.... ഉറയിൽ നിന്ന് കത്തി ഊരല്ലാ.... ചാരത്തിരുന്നിരുന്നെങ്കിൽ ശങ്കയില്ലാതെ നടക്കാല്ലോ..... നേരിട്ടു ചാടും നരിയെയും പോരെങ്കിൽ ഒന്ന് കൊടുക്കാല്ലോ.... നീറി വളർന്ന് വാളായാൽ മിമ്പറിലേറി ഖുതുബോതാം... പാരം എതിർത്ത കുഫ്റോടും പട ചെയ്തു തന്നെ ശഹീദാകാം.... ആലങ്ങളാകെ തനിയായി അമൈത്താളും റബ്ബ് ഗ്വനിയായി.... കാലത്താലൊക്കെ ഫനയായി കാണിക്കും നാളെ ഫുനയായി.... ഖേദത്തിൻ ഹേതുവാക്കല്ല കലിമ ശഹാദത്തരുള്ളാ... കേവികൾക്കുള്ള വലയെല്ലാം ഖഥ്അൻ ബി ജാഹ് നബിയുള്ളാ പൊന്നാനി മഊനത്തുൽ ഇസ്‌ലാം സഭയുടെ കീഴിലുള്ള സ്ക്കൂളിൽ അധ്യാപകനായിരുന്ന ഉസ്താദ് കെ.വി അബൂബക്കർ മാസ്റ്റർ (റ) ഉന്നത ബിരുദധാരിയും ഭാഷാ സാഹിത്യത്തിൽ നിപുണനുമായിരുന്നു. ത്വരീഖത്തിൻറെ സരണിയിലൂടെ തൻറെ മുറബ്ബിയായ ശൈഖിനെ അനുധാവനം ചെയ്യലോടു കൂടെ... സമ്പൂർണ്ണ പരിത്യാഗിയായി മാറുകയായിരുന്നു. അധ്യാപകനാകുന്നതിൻറെ വളരെ മുമ്പ് തന്നെ ഭൗതിക വിരക്തിയുടെ ആനന്ദം നുണഞ്ഞ ഉസ്താദ് അവിവാഹിതനായാണ് കഴിഞ്ഞത്. തനിക്ക് ലഭിക്കുന്നവയെല്ലാം തന്നെ ദാനം ചെയ്തു ശീലിച്ച മഹാനവർകൾ ഒന്നും തന്നെ കരുതലായി എടുത്തു വെക്കുന്ന സ്വഭാവക്കാരനുമായിരുന്നില്ല.കുഞ്ഞുങ്ങളെ അങ്ങേയറ്റം സ്നേഹിച്ചിരുന്ന കെ.വി ഉസ്താദ്, കുട്ടികളുടെ വിദ്യാഭ്യാസ ചെലവിലേക്കായിരുന്നു തനിക്ക് ലഭിക്കുന്ന സമ്പത്തിന്റെ പകുതിയിലധികവും വിനിയോഗിച്ചിരുന്നത്. ബാക്കി വരുന്നത് അശരണർക്കും അഗതികൾക്കുമായി പകുത്തു നൽകുകയും ചെയ്യും. സയ്യിദുനാ അൽ-ഖുഥുബ് മുഹമ്മദ് ജമലുല്ലൈലി ബാഹസൻ (ഖ.സി) കടലുണ്ടി തങ്ങളുടെ മഖബറയുടെ സമീപത്തായി പുതുതായി സ്ഥാപിക്കപ്പെട്ട നുസ്റത്തുൽ അനാം മദ്രസ്സയുടെ ഉദ്ഘാടനവസരത്തിൽ, നാട്ടിലെ പൗര പ്രധാനികളും പണ്ഡിതന്മാരും ഉസ്താദിനെ സമീപിച്ച്, കുഞ്ഞുങ്ങളെ കൊണ്ട് പാടിപ്പിക്കാൻ വേണ്ടി ഒരു പാട്ടെഴുതിക്കൊടുക്കാൻ അപേക്ഷിക്കുകയുണ്ടായി....തദവസരത്തിൽ എഴുതിയ ഗാനത്തിൻറെ വരികൾ.... "പരി പാവാനമായ സ്ഥാപനം.. പിഞ്ചു പൈതങ്ങൾ പൂത്തിറങ്ങും വാഹനം... അത്, റൗളത്തുൻ മിൻ രിയാളിൽ ജിനാൻ.... മത വിദ്യാ തന്നെ ഏക വാസനം.... ശറഹിൻറെ നിയമം ശരിയായി പഠിച്ച്... ശറഫുറ്റ ദീനിൽ നാം സംഘടിച്ച്.. ശിരങ്ങൾ കുനിച്ചു കേഴണം.... ശിക്ഷയില്ലാതെ റബ്ബിൻറെ ആനനം... കൊച്ചു കണ്ണാലെ തന്നെ കാണണം... അതിനായി ഈ വിദ്യ തന്നെ നേടണം... ഇസ്‌ലാമിയ്യത്തിൻ ഇഖ്റഹ് തന്ന്.. ഇറങ്ങിയും നാമെല്ലാം ഇങ്ങോണ്ട് വന്ന്.. അസ്സലായ റബ്ബിൻറെ ആ മുനം... അടിമത്വം കാട്ടി സ്ഥിരം വാഴണം.. അതു തന്നെ നമുക്ക് ലക്ഷ്യം നേടണം... അതിനായി ഈ വിദ്യ തന്നെ നേടണം... അർവാഹ് ആലം ആയുള്ള കോലം... അലസ്തു ബി റബ്ബിക്കും എണ്ടതിൽ കാലം.... അറിന്തും ഇലാഹിൽ കൂടണം.. അതു തന്നെ നമുക്ക് ലക്ഷ്യം തേടണം..... പൊതു സാക്ഷ്യം വഹിച്ചു പോകണം... അതിനായി ഈ വിദ്യ തന്നെ നേടണം... അല്ലാഹുവിൻറെ അബ്ദായി നിണ്ട്.... അവനുടെ ഇൽമിൽ ആശിച്ചുക്കൊണ്ട്.. തെല്ലോളം കാലം ജീവനം... ത്യജിച്ചിടുകിൽ ആ പുണ്യ മാനനം.... തിളങ്ങിടും അബ്ദുർറഹ്മാൻ ഗുണം... അതിനായി ഈ വിദ്യ തന്നെ നേടണം... അക്കാലത്ത് കൊച്ചു കുട്ടികൾക്കു വേണ്ടി എഴുതിയ വരികളാണെങ്കിലും സത്യത്തിലിത് എക്കാലത്തും പ്രസക്തമാണീ വരികൾ. മർഹും ഉസ്താദിന്ന് തൻറെ ശിഷ്യരെല്ലാം തന്നെ കുട്ടികളായിരുന്നു.എല്ലാ മശായിഖന്മാരും ഇപ്രകാരം തന്നെയാണല്ലോ തങ്ങളുടെ ശിഷ്യന്മാരെ കണ്ടിരുന്നത്.തൻറെ ശിഷ്യന്മാരിൽ പ്രായഭേദമില്ലാതെ ഉസ്താദ് വിളിച്ചിരുന്നത് "കുട്ടി " എന്നായിരുന്നു. തൻറെയടുക്കൽ വരുന്നവരെ "കുട്ടീ, നിങ്ങളെ ഞാൻ മനുഷ്യനാക്കിത്തരാമെന്ന് " സദാ ഉസ്താദ് പറയുമായിരുന്നു. തൻറെ ഗാനങ്ങളിൽ ശിഷ്യരെ അഭിസംബോസനം ചെയ്യുന്നിടങ്ങളിൽ " കുട്ടി " എന്ന് പ്രയോഗിച്ചത് കാണാൻ കഴിയും..... "മനുഷ്യൻറെ ഹൃദയത്തിൽ മഗ്ഫിയ്യത്തായ വസ്തു... മുഹബ്ബത്തെ കോട്ടയിൽ മയങ്ങിടുന്ന മസ്ത്"...... അനശ്വരമായ നിൻറെ അനുലയിച്ചീടുവാൻ... അന്യോന്യം പ്രേമത്തിൻറെ ആത്മാർത്ഥം കാണുവാൻ... ഫനാഉം ബഖാഉം തമ്മിൽ തിരിച്ചറിഞ്ഞീടുവാൻ... പഠിപ്പും വെടിപ്പും കൊണ്ട്ഫലം സിദ്ധിച്ചീടുവാൻ... പ്രിയപ്പെട്ട കുട്ടീ നിൻറെ സ്വയ ലിപി നോക്കിയാൽ.... പിടയുന്ന ഹൃദയത്തിൻറടിത്തട്ടിലാണ് ഞാൻ... ഹയാത്തുൽ ഉലമാംമിവ മൗത്താൽ ശുഹദാ.... ദ്വയാ ലോക യോജിപ്പിന്ന് ദുആ ചെയ്യുന്നേ സദാ.... എന്നുടെ പൊന്നും പുഷ്പം വാടാത്ത മലരായി... ഏകട്ടെ ഹിദായത്തിൽ എന്നും മധു നുകരാനായി.... തന്നുടെ സ്വന്തം കെ.വി കാത്തിരിക്കുന്നിതാ... തരം പോലെ വന്നു കാണാൻ ഉരത്താലും എഴുതാം.... എന്ന ഗാനം വഫാത്തിൻറെ ഏതാനും മാസങ്ങൾക്ക് മുമ്പ് കടലുണ്ടിയിലെ തൻറെ ശിഷ്യരോടെല്ലാം യാത്ര ചോദിച്ച് നീണ്ട പത്തൊമ്പത് വർഷങ്ങൾക്ക് ശേഷം സ്വദേശമായ പൊന്നാനിയിലേക്ക് തിരിച്ചു പോയതിന്ന് ശേഷം, തൻറെ ഒരു ശിഷ്യൻക്ക് എഴുത്തായി അയച്ച പാട്ടാണിത്. ഇതിലെ വരികളിലൂടെ വിലപ്പെട്ട അനവധി സന്ദേശങ്ങൾ നമുക്ക് ലഭിക്കുന്നുണ്ട്. ആത്മീയ ജ്ഞാനത്തിൻറേയും ശറഹ് സംബന്ധമായ അറിവുകളും ശരിയായി പഠിച്ചറിയാനുള്ള ആഹ്വാനം " പരിപാവനമായ സ്ഥാപനം...... " എന്ന ഗാനത്തിലൂടെ നൽകുന്ന കെ.വി ഉസ്താദ്, ഗുരു-ശിഷ്യബന്ധത്തിൻറെ ആത്മാർത്ഥയെ കുറിച്ച് വാചാലനാവുകയാണ്... "മനുഷ്യൻറെ ഹൃദയത്തിൽ മഗ്ഫിയ്യത്തായ വസ്തു..... " എന്ന കാവ്യത്തിലൂടെ. മത വിദ്യാഭ്യാസത്തിനോടുള്ള താൽപര്യക്കുറവും മുൻഗണനയും വളരെ വിരളമായിക്കൊണ്ടിരിക്കുന്ന ഈ വർത്തമാന സാഹചര്യത്തിൽ പ്രത്യേകിച്ചും പ്രസക്തമാണിയീ കാവൃങ്ങളെല്ലാം തന്നെ. മർഹും: കെ.വി ഉസ്താദ് (റ) യുടെ സ്നേഹസാഗരം അനുഭവിച്ചവരും തിരിച്ചറിഞ്ഞവരുമായ ഇപ്പോൾ ജീവിച്ചിരിപ്പുള്ള ശിഷ്യഗണങ്ങളുമായി ഉസ്താദിനെ കുറിച്ച് ചോദിക്കപ്പെട്ടാൽ ധാരയായി ഒഴുകുന്ന കണ്ണ് നീരുകൾ കൊണ്ടേ അവർക്ക് മറുപടി പറയാൻ കഴിയു. എളിയോരാം അങ്ങയിൽ ശിഷ്യർ ഇവരെ എളിമയാൽ കാത്തള്ളാ രക്ഷിക്കട്ടെ അങ്ങയിൽ ഗാനങ്ങൾ എന്നെന്നും ഞങ്ങൾക്ക് ഹസനാത്തിൻ ആഹ്വാന്നമായിടട്ടെ.......(തുടരും) കടപ്പാട് : സയ്യിദ് ജാഫർ സഖാഫ് തങ്ങൾ കുറ്റിപ്പുറം