Pandit Kumar Gandharv ft Bhuvanesh Komkali | Live in Concert | Rotary Club of Sangli

पं.कुमार गंधर्व यांना जन्मशताब्दीनिमित्त मानवंदना रोटरी क्लब ऑफ सांगली आयोजित एक सुरेल संध्याकाळ.. कुमार गंधर्वांच्या आठवणींची.. आनंद ग्रुप प्रायोजित स्मरण गंधर्व सुरांचे सह प्रायोजक - दांडेकर आणी कं. सादरकर्ते पं. भुवनेश कोमकली दीर्घ परंपरा लाभलेल्या भारतीय अभिजात संगीताला सतत प्रभावी ठेवण्यात काळाच्या प्रत्येक टप्प्यावर असामान्य क्षमतेचे कलावंत निर्माण झाले. त्यांनी संगीतात नवचैतन्य आणले व ते पुढे नेण्यासाठी आपली सारी शक्ती पणाला लावली. आजही ते खळाळते राहण्यामागे पं.कुमार गंधर्व यांच्यासारख्या प्रज्ञावंतांचे योगदान विसरता येणारे नक्कीच नाही. सतत नाविन्याचा शोध घेणाऱ्या पंडितजींनी परंपरांचे भान ठेवून त्याचे नवनिर्माण करून ते प्रवाही ठेवण्याचे मोठे कार्य त्यांनी केले. रागाकडे आणि त्याच्या स्वरमांडणीकडे वेगळ्या नजरेने पाहू शकणाऱ्या कुमारजींनी नव्या बंदीशीची निर्मिती केली. त्यांच्या अनूपरागविलास या ग्रंथातील त्यांनी रचलेल्या बंदिशी याची साक्ष देतात. माळव्यातील लोकसंगीतात कुमारजींना राग संगीताचे दुवे सापडले त्यातून रागनिर्मिती झाली. त्या लोकसंगीताचा अभिजात अविष्कार ' मालवा की लोकधुने' ,'गीतवर्षा ' ,' ऋतुराज मैफल ' यासारख्या कार्यक्रमातून केला. यासारखे नवनवीन यशस्वी प्रयोग त्यांच्या सर्जनतेची साक्ष देतात. पंडितजींचा वारसा पुढे चालवण्यासाठी त्यांचे नातू श्री भुवनेश कोमकली यांनी शास्त्रीय संगीत गायक म्हणून स्वतःची ओळख निर्माण केली आहे. त्यांना ताकदीने गाताना बघून आणि एखाद्या जागी तान घेताना पंडितजींची हमखास आठवण येते. सध्याचे वर्ष हे पंडित कुमार गंधर्व यांचे जन्मशताब्दी वर्ष. या गानतपस्वी कलावंताच्या कार्याचा वारसा पुढे चालू राहण्यासाठी व त्यांच्या स्मृती जपण्यासाठी जन्मशताब्दी वर्षाचे औचित्य साधून अमृत महोत्सवी रोटरी क्लब ऑफ सांगली ने संस्कार भारती (सांगली व मिरज समिती ) व संगीत साधना यांच्या सहकार्याने स्मरण "गंधर्व" सुरांचे या संगीत मैफिलीचे आयोजन केले आहे. या कार्यक्रमास “आनंद ग्रुप,सांगली ” व दांडेकर आणि कंपनी,सांगली यांचे प्रमुख साहाय्य लाभले आहे. या स्वरमैफिलीस साज चढवणार आहेत कुमारजींचे नातू पं.भुवनेश कोमकली. रविवार, दि. २६ नोव्हेंबर २०२३ रोजी संध्याकाळी ५.३० ते ८ पर्यंत कांतीभाई शहा लॉन ,रोटरी परिसर, गणेशनगर, सांगली #kumargaurav #bhuvaneshkomkali #liveinconcert