獨家丨麥美恩擔大旗主持新節目 有意邀陳自瑤作客

獨家丨麥美恩擔大旗主持新節目 有意邀陳自瑤作客 啱啱攞咗《最佳女主持》嘅麥美恩，咁快就有機會擔大旗主持全新節目《Mayanne小喇叭》，呢日佢同拍檔曾展望一齊拍攝節目宣傳片，期間節目組更為Mayanne補祝生日。 化身太后嘅Mayanne更同GM即場上演一場小趣劇，殺GM一個措手不及，認真搞笑，相信喺節目入面，佢哋兩位一定擦出唔少火花呀講。講起太后Look，Mayanne都覺得好新鮮，不過佢就擔心自己着上身太后裝唔夠神似喎。 由於呢個節目係由女性主導，所以拍擋GM都好樂意做下靶位，被Mayanne糟質，佢仲話自己好開心獲Mayanne提攜，先有呢次機會一齊合作。可以擔大旗主持節目，Mayanne話已經好似達成咗一半嘅生日願望，佢希望觀眾可以睇到節目嘅心思，佢仲話而家熱播緊嘅《婚後事》反應咁好，佢都好希望呢個節目接力時，都可以承接《婚後事》嘅氣勢，仲話唔排除會揾陳自瑤上節目添。 #Mayanne小喇叭 #麥美恩 #Mayanne #宣傳片 #太后 #曾展望 #GM #陳自瑤 #婚後事 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0