DD News Mizoram Chanchinthar | 30 August 2026 | 6:30 PM

CHANCHINTHAR Local : 1. Home Minister Pu K. Sapdanga’n kumin August ni 20 thlenga Mizorama raltlan lo lut chhinchhiah, mi 38,213 an awm tih a sawi. 2. Minister of State Prof. Lalnilawma, Tawi Bialtu MLA ni bawk chuan tunkar zirtawpni khan Auto & Taxi Association Saitual te hnenah Generator (Honda EP 1000) thar a pe. 3. Supreme Court thupek angin Serchhip District-ah bawlhhlawh sawngbawl dan thar, 'SWM Rules 2026' chak taka kalpui mek zel a ni. 4. Mara Autonomous District Council-a Agriculture and Farmers Welfare Department te chuan thlasika thlai chin tur chi hrang hrang kuthnathawk mi 366 hnenah an sem chhuak. 5. Indian Football Awards 2026 nizana semchhuah ah 'Indian Footballer of the Year 2026' atan Lallianzuala Chhangte thlan a ni. 6. Lawngtlai Bawrhsap Pu Donny Lalruatsanga leh LADC, CEM Pu C. Lalsawmzuala te’n Lawngtlai khawpui chhunga hmasawnna hnathawh thenkhatte nimin tlai khan an tlawh. 7. Agricultural Technology Management Agency (ATMA), E. Lungdar Block, Serchhip District te’n nimin khan N. Vanlaiphai leh Chekawnah 'Sangha vulh leh enkawl chungchangah entirna' leh 'Farm School Programme' an buatsaih. 8. Bangladesh ram chhung Jurosury khuaa kum 72 mi Lolit Moni, kar kal ta inrinni-a tuia tlahlum ruang chu India ram chhung Kawrpuichhuah bul Jaruldubasora-ah chhar a ni. 6:30 PM National 1. Prime Minister Narendra Modi leh Uzbekistan President Shavkat Mirziyoyev ten ram pahnih inlaichinna leh thawhdunna tihchak zel dan tur an sawi dun. 2. Prime Minister Narendra Modi chuan Mann Ki Baat kaltlangin India hmasawnna hrang hrang a tarlang. 3. Nepal-a tuilianah mi 700 chuang an thi tawh a, mi 2500 vel zawn mek an ni. 4. Vice President C. P. Radhakrishnan chuan vawiin khan Keralam-ah 'Kerala Kaumudi' chanchinbu kum 115 tlin lawmna a hmanpui. 5. Madhya Pradesh Chief Minister Dr. Mohan Yadav chuan vawiin khan Chitrakoot-a tuilian tuarte dinhmun a enfiah. 6. India Meteorological Department chuan vawiina hmarchhak hmun thenkhata ruah nasa tak sur tur angin a tarlang. 7. President Droupadi Murmu chuan naktuk khian New Delhi-ah National Institute of Fashion Technology, NIFT Combined Convocation 2026 a hmanpui dawn. 8. Sorkarlaipui chuan Pradhan Mantri Mudra Yojana hnuaia pung tlemte a loan hmuh theih anga online-a thu thehdarh chu thudik lo a nih thu a tarlang. Follow DD Mizoram:   / ddnewsmizoram     / ddnews_mizoram     / ddnewsmizoram