Islom Karimov vafotiga 10 yil to‘ldi

2016-yilning 27-avgust kuni soat 9:00 atrofida Islom Karimov hushidan ketgan holda Markaziy Klinik Kasalxonaga yotqiziladi. Kompyuter tomografiyasi tekshiruvida o‘tkir miya qon tomir halokati y’ani insult aniqlangan. Qon bosimi 250/120 bo‘lgan holatda shifoxonaga yotqizilgandan so‘ng, Islom Karimov yurak xurujiga uchraydi. Shifokorlar uning yurak faoliyatini 20 daqiqa ichida tiklashga muvaffaq bo‘lishadi. Karimov atonik komada bo‘lib, sun’iy nafas olish apparatiga ulangan. 27-avgustdan 28-avgustga o‘tar kechasi Rossiya, Germaniya, Monako va Finlandiyadan yetakchi xalqaro mutaxassislar jalb etilgan. Ammo Karimovning ahvoli o‘ta og‘irligicha qoladi. Organlar yetishmovchiligi asta-sekin rivojlanib, 2-sentabr kuni soat 20:15 da yurak xuruji qayta boshlanadi. Reanimatsiya ishlari 40 daqiqa davom etishiga qaramay, barcha urinishlar samarasiz ketgan. Yakunda soat 20:55 da Islom Karimov biologik o‘lim holatidaligi tasdiqlanadi. Ijtimoiy tarmoqlardagi sahifalarimiz: Telegram: https://t.me/Daryo Facebook:   / daryouz.rasmiy   Instagram:   / daryo.rasmiy   Twitter:   / daryo_uz   TikTok: https://www.tiktok.com/daryorasmiy Jahon va O‘zbekiston yangiliklari https://daryo.uz?fyt