د افغانستان په اړه د مسکو فارمټ اتمې مشورتې ناستې ته د بهرنیو چارو وزیر مولوي امیرخان متقي وینا

د افغانستان په اړه د مسکو فارمټ اتمې مشورتې ناستې ته د بهرنیو چارو وزیر مولوي امیرخان متقي وینا د بهرنیو چارو وزیر مولوي امیرخان متقي د مسکو فارمټ د اتمې مشورتي غونډې ته په سیمه کې د امنیتي او سیاسي بدلونونو، له ګاونډیو هېوادونو او نړیوالې ټولنې سره د اړیکو، اقتصادي همکاریو او له پولو د باندې ګواښونو پر وړاندې د مبارزې په اړه د افغانستان دریځ څرګند کړی دی. هغه ټینګار کړی، چې افغانستان خپل راتلونکی په متوازن تعامل، متقابل درناوي، اقتصادي همکاریو او ډیپلوماسۍ کې ویني. د بهرنیو چارو وزیر ویلي، افغانستان غواړي د امنیت په ټینګښت، د سوداګرۍ او ترانزیټ په پراختیا او سیمه‌ییز اتصال کې ونډه ولري.