ევროკომისიის ანგარიში - შეფასებები თბილისში

ოპოზიცია კმაყოფილია, ხელისუფლება არცერთ შეფასებას არ ეთანხმება. გაბრაზებულ ადამიანთა ჯგუფის არარეალური შეფასებები - ასეთია მმართველი გუნდის წევრთა გამოხმაურება. „ქართული ოცნების“ ლიდერები ევროკომისიის ანგარიშს ქვეყანაზე თავდასხმად და პოლიტიკურ კომუნიკედ აცხადებენ. მმართველი პარტია არასწორი ინფორმაციის გავრცელებაზე და ფაქტობრივ უზუსტობებზეც მიუთითებს. ამ კონტექსტში განსაკუთრებული აქცენტი დოკუმენტის იმ ნაწილზე კეთდება, სადაც თვითნებურ დაკავებებზე და 2024 წლის 28 ნოემბერს პრემიერის ცნობილ განცხადებაზეა საუბარი და არაკონსტიტუციურადაა მიჩნეული. ხელისუფლება ხაზს უსვამს, რომ არაერთი შეთავაზების მიუხედავად, ევროკომისიასთან დიალოგის აღდგენის საკითხი ღიად რჩება. საპარლამენტო უმრავლესობის წევრები ანგარიშის მომზადების პროცესში შესაბამის უწყებებთან კომუნიკაციის არ არსებობაზეც საუბრობენ. რა გზავნილები ამოიკითხა ხელისუფლებამ მწვავე ანგარიშიდან, რამდენად იზრდება ევროკავშირიდან არაერთხელ დაანონსებული რეაგირების მექანიზმების ამოქმედების რისკი და ემუქრება თუ არა საფრთხე ვიზალიბერალიზაციას, რომლის მოქმედების საფუძვლებს ევროკომისია შელახულად აცხადებს. ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.