പുല്ലാര ശുഹദാക്കൾ pullara shuhadakkal faizal manjeri

പുല്ലാര ശുഹദാക്കൾ pullara shuhadakkal faizal manjeri #pullarashuhadakkal #faizalmanjeri #Faisalmanjeri #ziyarahvlog #Malayalamvlog #travelvideos #entertainment #Islamiccharithram #maqamcharithram #manjeri #pookotur #Malappuram #masjid പ്രശസ്തരായ പുല്ലാര ശുഹദാക്കളെ സിയാത്ത് ചെയ്യാനാണ് ഇന്ന് ഞാൻ ഉദ്ധേശിക്കുന്നത്. മലപ്പുറം ജില്ലയിലെ പൂക്കോട്ടൂർ പഞ്ചായത്തിലെ പുല്ലാര മഹല്ല് പള്ളിക്ക് സമീപം അന്ത്യ വിശ്രമം കൊള്ളുന്ന രക്ത സാക്ഷികളാണ് പുല്ലാര ശുഹദാക്കൾ. ഞാൻ യാത്രയാരംഭിച്ചു. മഞ്ചേരിയിൽ നിന്നും 7 KM ൽ താഴെ മാത്രമാണ് പുല്ലാരയിലേക്കുള്ളത്. അള്ളാഹുവിൻ്റെ പള്ളി സംരക്ഷിക്കാൻ ശത്രുക്കളോടേറ്റ് മുട്ടി ശഹീദായ സ്വദേശികളായ 12 പേരാണ് പുല്ലാര ശുഹദാക്കൾ എന്നറിയപ്പെടുന്നത്. പുല്ലാര എന്ന നാടിനെ കുറിച്ചും ശുഹദാക്കളെ കുറിച്ചും പണ്ട് മുതലേ കേട്ടിട്ടുണ്ടെങ്കിലും കൂടുതൽ അടുത്തറിയാൻ കഴിഞ്ഞത് കൂട്ടുകാരൻ പുല്ലാര ഹമീദ് ഫാളിലി മുഖേനയാണ്. ഞാൻ പുല്ലാരയിലെത്തി. ഇതാണ് പുല്ലാര ശുഹദാ പള്ളി. ഏറനാടിലെ ആദ്യത്തെ പള്ളിയാണിത്. 300 വർഷത്തെ പഴക്കമുണ്ടീ പള്ളിക്ക്. ഈ കവാടത്തിലൂടെ അകത്ത് കടന്നാൽ പള്ളിക്ക് സമീപമായി ശുഹദാ മഖാം കാണാം. പരിശുദ്ധ ദീനിന് വേണ്ടി സ്വശരീരം ബലി കൊടുത്ത വർ .. ചരിത്രം വിശാലമാണ്. പണ്ടുകാലത്ത് എല്ലായിടത്തെയും പോലെ ഇവിടെയും ഉണ്ടായിരുന്നത് ഒരു ഓല മേഞ്ഞ പള്ളിയായിരുന്നു. പുല്ലാര നിവാസികൾ സ്വന്തം വീടുകളേക്കാൾ പ്രാധാന്യത്തോടെ കാണുന്ന മഹത്തായ ഭവനം . ഒരിക്കൽ പള്ളി പുതുക്കിപ്പണിയാൻ അവർ തിരുമാനിച്ചു. അങ്ങനെ ഹിജ്റ വർഷം 1151 ൽ പള്ളി വിപുലീകരണം ആരംഭിച്ചു. അരിമ്പ്ര മലയിൽ നിന്ന് അവർക്ക് ഒരു ഒത്ത പ്ലാവ് കിട്ടിയെങ്കിലും ആ പ്ലാവിൽ അവകാശികൾ തമ്മിൽ തർക്കം രൂക്ഷമായി. [മരത്തിൻ്റെ അവകാശികളും മരം വാങ്ങിയവരും തമ്മിൽ ] ഒടുവിൽ അവർ പുല്ലാര പള്ളി തകർക്കാൻ തിരുമാനിച്ചു. തൊട്ട് മുമ്പുള്ള വർഷം നടന്ന മലപ്പുറം പടയിലേറ്റ പരാചയത്തിൻ്റെ മ്ലാനതയിൽ കഴിയുകയായിരുന്ന നാടുവാഴി പാറനമ്പിക്ക് ഇതൊരവസരമായി. മുസ്ലിംകളോടുള്ള കടുത്ത വൈരാഗ്യത്താൽ പകരം വീട്ടാൻ അവസരം കാത്തിരുന്ന പാറനമ്പി അവരെ സഹായിച്ചു. ഹിജ്റ വർഷം 1152 പരിശുദ്ധ റമളാൻ 23ാം രാവിന് ശത്രുക്കൾ പള്ളി തകർക്കാൻ വരുന്നുണ്ടെന്ന വിവരം കിട്ടിയതിനാൽ പുല്ലാര നിവാസികൾ പള്ളിക്ക് കാവലിരുന്നു. പാതിരാത്രി എല്ലാവരും അത്താഴം കഴിക്കാൻ വീട്ടിൽ പോയ തക്കം നോക്കി ശത്രുക്കൾ പള്ളിക്കകത്ത് പ്രവേശിച്ചു . പരിപാവനമായ പള്ളി കത്തിക്കുകയായിരുന്നു അവരുടെ ലക്ഷ്യം. ഈ സമയം വീട്ടിൽ അത്താഴം കഴിച്ചു കൊണ്ടിരിക്കുകയായിരുന്ന കോലാന്തോടു പോക്കർ എന്നവർ ഈ വിവരം എങ്ങനെയോ അറിയുകയും അത്താഴം കഴിക്കുന്നത് മതിയാക്കി പള്ളിയിലേക്കോടുകയും ചെയ്തു. പള്ളിയുടെ അകത്ത് കയറി സൂത്രശാലിയായ അദ്ദേഹം വിളക്കണച്ചു, എന്നിട്ട് ശ്രത്രുക്കളെ ആഞ്ഞു വെട്ടി. ഇരുട്ടുമൂലം പരസ്പരം കാണാൻ കഴിയാതിരുന്ന അവർ മുസ്ലിം മുസ്ലിം എന്ന് പറഞ്ഞ് പരസ്പരം വെട്ടി മരിക്കാൻ തുടങ്ങി. ശത്രു നിരയിലെ ഒരുപാട് ജീവനുകൾ അങ്ങനെ പൊലിഞ്ഞു. പള്ളിക്കകത്ത് ശത്രുക്കൾ അതിക്രമിച്ച് കയറിയ കാര്യം നാട്ടുകാരെ അറീക്കാൻ പോക്കർ സാഹിബ് മുകളിൽ കയറി ഉച്ചത്തിൽ ബാങ്ക് വിളിച്ചു. അപ്പോഴാണ് അമുസ്ലിംകൾ അദ്ദേഹത്തെ കാണുന്നത്. കണ്ടമാത്രയിൽ അവർ അദ്ദേഹത്തെ ആഞ്ഞു വെട്ടി. ചേതനയറ്റ പോക്കർ സാഹിബിൻ്റെ ശരീരം ശത്രുക്കൾ പള്ളിയുടെ വടക്ക് ഭാഗത്തുള്ള കിണറ്റിൽ എറിഞ്ഞു. അസമയത്തെ ബാങ്ക് വിളി കേട്ട് ഏതാനും പേർ പള്ളിയിൽ ഓടിയെത്തി. ചമ്പക്കുളം, പന്തപ്പിലാക്കൽ, ചപ്പത്തൊടി, പള്ളിയാളിത്തൊടി എന്നീ കുടുംബങ്ങളിലെ സൂഫി, കോയാമുട്ടി, കുട്ടിയമ്മു , മുഹ്‌യുദ്ധീൻ എന്നി വരുടെ നേതൃത്വത്തിൽ പള്ളിയിൽ അതിക്രമിച്ച് കയറിയവരെ ധീരമായി നേരിട്ടു. ശക്തമായ പോരാട്ടം തന്നെ നടന്നു. വിശ്വാസികളിൽ നിന്ന് 12 പേർ രക്ത സാക്ഷികളായി. ശത്രു പക്ഷത്തും വമ്പിച്ച ആൾനാശമുണ്ടായി. ശേഷിച്ചവർ കലിപൂണ്ട് പള്ളിക്ക് തീയിട്ട് ജീവനും കൊണ്ട് ഓടി. നേരം പുലർന്നപ്പോൾ വാർത്ത കാട്ടുതീ പോലെ പടർന്നു. വൻ ജനാവലി പള്ളിപരിസരത്ത് ഒരുമിച്ച് കൂടി. എന്നാൽ ശുഹദാക്കളിൽ 11 പേരുടെ മയ്യിത്ത് മാത്രമേ അന്ന് മറമാടാൻ കിട്ടിയൊള്ളൂ.. ഈ മൃതദേഹങ്ങൾ പള്ളിയുടെ തെക്ക് വശത്ത് മറവ് ചെയ്തു. നേതാവ് പോക്കർ ശഹീദിൻ്റെ ബൗധിക ശരീരം കിട്ടാത്തതിൽ വിശ്വാസികൾ അതീവ ദുഖിതരായി. ഒരു രാത്രി ഖാളി ബഹുമാന്യനായ പയ്യനാട് മരക്കാർ മുസ്ലിയാരും അന്നാട്ടിലെ പലരും പോക്കർ ശഹീദ് കിണറ്റിലാണെന്ന് ആരോ വിളിച്ച് പറയുന്നതായിട്ട് സ്വപ്നം കാണുകയും അദ്ധേഹത്തിൻ്റെ മയ്യിത്ത് കിണറ്റിൽ നിന്ന് കിട്ടുകയും മറ്റുള്ളവരുടെ ഖബറിടത്തിൽ നിന്ന് മാറി പള്ളിയുടെ തെക്ക് വശത്ത് തന്നെ മറവ് ചെയ്തു. അള്ളാഹുവിൻ്റെ പള്ളി സംരക്ഷിക്കാൻ വേണ്ടി ധീര രക്തസാക്ഷിത്വം വരിച്ച പുല്ലാര ശുഹദാക്കളുടെ പേരിൽ എല്ലാ വർഷവും റമളാൻ 22 ന് വളരെ വിപുലമായ രീതിയിൽ ആണ്ടു നേർച്ച നടത്തി വരുന്നു. അള്ളാഹു ഈ മഹാൻമാരുടെ ദറജ ഉയർത്തുമാറാവട്ടെ.. ആമീൻ Faizal manjeri YouTube channel