EP3/ 零秒上身的女神 － 李佳芯篇 《BAD ACTING》

SUCH/ Drama 雖然被公認女神，但係Ali李佳芯喺演戲嘅時候可以話係毫無包袱。無論係清純學生妹定專業人士，或者係狐狸精，甚至係癲喪嘅新手媽媽，佢都可以演得入型入格，絕對係實力外表兩兼得嘅女神。 而喺《BAD ACTING》入面，為咗俾觀眾見到更加多面向嘅Ali，導演同導師Olivia安排咗一個好賭成性嘅角色設定俾佢。你諗住Ali本身無賭博嘅習慣，加上無得排戲要即刻演，實迫到佢俾啲bad acting我哋睇？咁你就大錯特錯喇，由問老公拎錢嘅老婆，到問個女拎錢嘅阿嬸，Ali都有方法代入角色，仲可以好明顯咁睇到佢因應唔同設定去延伸故事嘅能力。 《Bad Acting》由著名舞台劇導演兼老師甄詠蓓Olivia擔任導師，首次將獨門教學經驗搬上大銀幕，佢嘅學生更加係陣容鼎盛，包括演藝界各方嘅重量級人物，佢哋向Olivia學習戲劇嘅過程，由傾下自己係咪好演員去到實戰試戲，發現「演員的自我修養」仲有排學呀，到底呢班演員能唔能夠開發不同嘅自己？面對冇戲劇底子嘅素人，看似唔關事嘅職業，原來都可以應用到戲劇技巧！佢哋嚟學演戲就係想拋開過往嘅包袱，發掘其他潛能。Olivia又有咩方法令佢哋打破枷鎖，好好了解自己？ 《Bad Acting》早喺2020年經已喺各百老匯院線作慈善演出，扣除成本後籌得款項已撥予亞洲文化協會（ACC），旨在支持有志進修戲劇嘅年輕人學習表演藝術，勉勵大家共渡電影業艱難時期。 有鑑於先前疫情持續，艱難嘅又點只電影業，所以SUCH 團隊決定將《BAD ACTING》放上SUCH HK平台俾大家齊齊欣賞，為抗疫疲勞嘅香港人打打氣。 監製/導演：蔡美詩 不同學員將陸續登場，包括：林嘉欣、東方昇、李佳芯、蔡思貝、林德信、唐詩詠、蝦頭、田蕊妮、陳曉琪（KJ）、林天立、潘志健、盧詩韻、甄詠蓓。 #SUCH #BadActing #李佳芯 #Ali 記得喺Facebook, Instagram, Youtube密切留意SUCH HK： Facebook:   / such.hongkong   Instagram:   / such.hk   Youtube:    / suchhk