សែនអាសូរជីវិតចុងក្រោយនៃកវីយ៉ង់ ឈាង សំនៀងរិទ្ធី ម្ចាស់បទមេឃខ្មៅងងឹត

ក្រោយព្រឹត្តិការណ៍រដ្ឋប្រហារទម្លាក់សម្តេចព្រះនរោត្តម សីហនុ នាថ្ងៃទី១៨ ខែមីនា ឆ្នាំ១៩៧០ លោក យ៉ង់ ឈាង សំនៀងរិទ្ធី បានសរសេរចម្រៀងមួយបទដែលមានចំណងជើងថា សិង្ហឯងសាសន៍អី ហើយចេញផ្សាយក្រោយរបបប្រហារនោះប្រហែលជាពីរសប្តាហ៍តាមរលកវិទ្យុជាតិ ដោយកាលនោះលោកជាអ្នកចម្រៀងផ្ទាល់ ក្រោយមកបទនេះត្រូវបានលោកមាស ហុកសេង យកមកបន្តស្រាយជាលើកទី២។ ខ្លឹមសារនៃបទ សិង្ហឯងសាសន៍អីនេះ ល្បីល្បាញណាស់នាជំនាន់នោះ ដែលគេដឹងគ្រប់ៗថា ខ្លឹមសាររិះគន់ចំៗទៅកាន់សម្តេចព្រះនរោត្តមសីហនុ។