Edicioni i Lajmeve Tv Klan 13 Tetor 2026, ora 23:55 | Lajme - News

Lajme, #edicioniinformativ ora 23:55, 13 Tetor 2026 #TvKlan #klanlajme Spiker: Redi Prifti HEADLINES Shqipëria mbyll “Kapitullin 20”. Rama: Rruga drejt BE-së, e pakthyeshme Shqipëria mbylli sot në Luksemburg “Kapitullin 20” të negociatave me BE-në. Kryeministri Edi Rama tha se rruga e Shqipërisë drejt Unionit është e pakthyeshme. Komisionerja Marta Kos shprehu mbështetje dhe kërkoi vijimin e reformave. Përplasje të dhunshme mes studentëve dhe policisë. Lëndohen 6 efektivë, 23 të shoqëruar Qindra studentë protestuan sot para Ministrisë së Arsimit, duke kërkuar tarifa më të ulëta dhe kushte më të mira. Tubimi u shoqërua me përplasje të dhunshme me policinë. Gjashtë efektivë u lënduan nga sendet e forta. Shoqërohen 23 persona. Hidhet në erë makina e gruas së avokatit Idajet Beqirit. Vetëm dëme materiale Një sasi lënde plasëse shpërtheu sot në makinën e gruas së avokatit Idajet Beqiri. Nga shpërthimi pati vetëm dëme materiale. Policia po analizon pamjet filmike për identifikimin e autorit dhe po heton për zbardhjen e motiveve të këtij akti. FMN rrit parashikimin për ekonominë shqiptare: Pritet të ketë zgjerim me 3.5% në vitin 2026 Fondi Monetar Ndërkombëtar ka rishikuar në rritje parashikimin për ecurinë e ekonomisë shqiptare, duke e vlerësuar rritjen në 3.5% për vitin 2026. Edhe inflacioni dhe deficiti i llogarisë korrente projektohen në nivele më të favorshme. Jep dorëheqjen ambasadorja e SHBA-së në Greqi, Trump i kërkoi largimin Ambasadorja amerikane në Greqi, Kimberly Guilfoyle, njoftoi largimin e saj nga kjo detyrë pas përfshirjes në një skandal korrupsioni për kërkimin e 100 mijë dollarëve ndaj një donatori. Më herët, ishte vetë Shtëpia e Bardhë që i kërkoi largimin. Rishfaqet pas 60 vitesh piktura e rrallë e Van Goghut. Do të shitet në ankand për rreth 180 mln dollarë Një pikturë e Van Gogut, që kishte qëndruar prej gjashtë dekadash larg vëmendjes së artdashësve, është ekspozuar në Hong Kong. Vepra e titulluar “Pemët e gështenjës në lulëzim” pritet të shitet në ankand për rreth 180 milionë dollarë. SUBSCRIBE to “RTV KLAN” on YouTube for more videos! Email: info@tvklan.al Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/