ЭДИЙН ЗАСАГЧДЫН КЛУБ - Уул уурхай ба эдийн засгийн өсөлт

2026 оны эхний хагаст ДНБ-ий өсөлтөд уул уурхайн салбарын оролцоо 3.9 нэгж хувь болж эрс нэмэгдсэн бол өнгөрсөн оны ижил хугацаанд 0.1 хувь, 2024 онд 1.8 нэгж хувийн оролцоотой байжээ. Энэ үзүүлэлт нь дэлхийн зах зээлийн үнэ, нэг улсын түүхий эдийн хэрэглээнээс хэт хамааралтай байгааг бүрэн илтгэх юм. Гэвч супер циклийн үеийг оновчтой ашиглан, зөв бодлогоор чиглүүлж чадвал өсөлтөөс бүх салбар өгөөж хүртэх боломжтойг олон улсын байгууллагууд сануулсаар байна. Эдийн засгийн оновчтой бодлого, сайн засаглалын аль нь өсөлтийн өгөөж авчрахыг Bloomberg TV Mongolia-ийн дэргэдэх Эдийн засагчдын клубийн гишүүд 7 дахь дугаараар хөндлөө. Дээрх нэвтрүүлэг нь Bloomberg TV Mongolia-ийн өмч бөгөөд хуулбарлан олшруулах, өөр платформ болон суваг руу хуулахыг хориглоно.