संत बाळूमामांचा पाळणा 🙏 | Sant Balumama Palana | सेवकराम श्री. रामचंद्र तोरसे | चांगभलं 🚩

🙏 ॥ संत बाळूमामांच्या पाळणा ॥ सद्गुरु संत बाळूमामांच्या चरणी कोटी कोटी वंदन! 🙏🚩 संत बाळूमामांच्या जन्मापासून त्यांच्या दिव्य लीला, भक्ती, आशीर्वाद आणि महिम्याचे वर्णन करणारा हा भक्तिमय पाळणा प्रेमपूर्वक सादर करत आहोत. ❤️ 🌺 गीत रचना व सेवेकरी: श्री. रामचंद्र तोरसे, वायाभागूरकर 🎵 गीत: संत बाळूमामांचा पाळणा ━━━━━━━━━━━━━━━━━━ 🎶 संत बाळूमामांचा पाळणा – संपूर्ण गीत [प्रस्तावना] स्वर्गी भरला, देव दरबार । शंभो घेई तू, संत अवतार । भोळ्या भक्तांचा, तू करी उद्धार । जो बाळा जो जो रे जो… [धृवपद] भोळ्या भक्तांचा, तू करी उद्धार । जो बाळा जो जो रे जो ॥ [१] उच्च-निच्च कुळी, भगवंता नसे । जग अज्ञानी, अहंकारी फसे । गरीबाघरी देवा, जन्म बारसे । जो बाळा जो जो रे जो… [धृवपद] गरीबाघरी देवा, जन्म बारसे । जो बाळा जो जो रे जो ॥ [२] अकोळची भूमी, वेदगंगा तिर । मायाप्पा - सत्यव्वा, भक्ती अपार । पवित्र कुळी तू, व्हावे धनगर । जो बाळा जो जो रे जो… [धृवपद] पवित्र कुळी तू, व्हावे धनगर । जो बाळा जो जो रे जो ॥ [३] ब्रह्मांड आधि हे, परब्रह्म रूप । जगी प्रकटते ते, हेची अप्रूप । भाव भक्तीचा चला, घालूया धूप । जो बाळा जो जो रे जो… [धृवपद] भाव भक्तीचा चला, घालूया धूप । जो बाळा जो जो रे जो… [४] आनंदे जमले, देव ते सारे । फुले उधळती, सांगते वारे । आकाशी थांबले, सूर्य नि तारे । जो बाळा जो जो रे जो… [धृवपद] आकाशी थांबले, सूर्य नि तारे । जो बाळा जो जो रे जो… [५] अश्विन द्वादशी, दुपारची वेळ । सत्यव्वा कुशी हा, जन्मला बाळ । बाळाच्या संगती, पांडुरंग खेळ । जो बाळा जो जो रे जो… [धृवपद] बाळाच्या संगती, पांडुरंग खेळ । जो बाळा जो जो रे जो… [६] धनगरवाड्यात, झाली हो दाटी । गुळ-खोबरं, साखर वाटी । देव अवतरला, भक्तांच्या साठी । जो बाळा जो जो रे जो… [धृवपद] देव अवतरला, भक्तांच्या साठी । जो बाळा जो जो रे जो… [७] बाराव्या दिवशी, बारसं झालं । निर्गुण आत्म्याला, नाव ठेवलं । आत्त्याच्या मुखी नाम, “बाळाप्पा” आलं । जो बाळा जो जो रे जो… [धृवपद] आत्त्याच्या मुखी नाम, “बाळाप्पा” आलं । जो बाळा जो जो रे जो… [८] हालसिद्धनाथ हे, आले धावुनी । बाळाला त्यांनी, घेतले उचलोनी । लाभला आशीष, बाळ सद्गुणी । जो बाळा जो जो रे जो… [धृवपद] लाभला आशीष, बाळ सद्गुणी । जो बाळा जो जो रे जो… [९] नाचती आनंदे, मुकी मेंढरं। भक्तांचे करी तो, संकट पार । आशीष मुखी त्या, शिव्या भडिमार । जो बाळा जो जो रे जो… [धृवपद] आशीष मुखी त्या, शिव्या भडिमार । जो बाळा जो जो रे जो… [१०] बाळाचा हट्ट हा, घोंगड्यासाठी । भंडारा वाटवा, भक्तांच्यासाठी । ढोल वाजता हा, हसतो ओठी । जो बाळा जो जो रे जो… [धृवपद] ढोल वाजता हा, हसतो ओठी । जो बाळा जो जो रे जो… [११] समुद्र मंथनी तो, वासुकी हाती । काशीची गंगा, रोज स्नान घालती । मुळे सद्गुरू शिष्य, जोडितो नाती । जो बाळा जो जो रे जो… [धृवपद] मुळे सद्गुरू शिष्य, जोडितो नाती । जो बाळा जो जो रे जो… [१२] “जगाचा मालक” हा, फिरे वणवण । जोडिले किती हे, भाविक जन । कन्या अंबिल प्रसाद, वाटितो अन्न । जो बाळा जो जो रे जो… [धृवपद] कन्या अंबिल प्रसाद, वाटितो अन्न । जो बाळा जो जो रे जो… [१३] मेतके ग्रामी हा, खांब रोविला । दूर पळती भुते, पाहुनी त्याला । सप्ताह भंडारा, साजिरा केला । जो बाळा जो जो रे जो… [धृवपद] सप्ताह भंडारा, साजिरा केला । जो बाळा जो जो रे जो… [१४] भाळी भंडारा तया, लाभे वरदान । व्याधी दूर करी, पुत्राचे दान । वाईट कर्माला तो, शापाचा बाण । जो बाळा जो जो रे जो… [धृवपद] वाईट कर्माला तो, शापाचा बाण । जो बाळा जो जो रे जो… [१५] बाळूमामांचा डंका, जगात थोर । अक्कोळची कीर्ती, समुद्रपार । गावोगावी आज, उभे मंदिर । जो बाळा जो जो रे जो… [धृवपद] गावोगावी आज, उभे मंदिर । जो बाळा जो जो रे जो… [१६] केलं पावन जगी, आदमापूर । भक्तांचा येथे, लोटतो पूर । काशी अयोध्या हे, पंढरपूर । जो बाळा जो जो रे जो… [धृवपद] काशी अयोध्या हे, पंढरपूर । जो बाळा जो जो रे जो… [१७ – भावपूर्ण समारोप] मामांचा पाळणा, शब्दांची फुलं । सेवकराम मुखी, काव्य हे आलं । बाळूमामांच्या नावानं, चांगभलं । जो बाळा जो जो रे जा… [समारोप] बाळूमामांच्या नावानं… चांगभलं… चांगभलं… जो बाळा जो जो रे जो… ━━━━━━━━━━━━━━━━━━ 🙏 जय सद्गुरु बाळूमामा! चांगभलं! 🙏 व्हिडिओ आवडल्यास LIKE करा 👍, भक्तपरिवारासोबत SHARE करा आणि अशाच भक्तिमय मराठी गीतांसाठी CHANNEL SUBSCRIBE करा. 🔔 #संतबाळूमामा #SantBalumam #BalumamaPalana #मराठी #marathisong #balumama #adamapur #balumamachyanavanchangbhala #balumamanchasevak #balumamastatus #balumamastatus #balumamagane #balumamaadmapur #balumamaaadamapurmandir #balumamabhajan #balumamatodayepisode