المداح السيد مقداد الرضوي مولود خالد خضر1

حن الگلب ياناس ياهو ايصبره من سارو اگبالي ومشو للعمره ******************** حن الگلب والشوگ فوول زايد يصرخ ينادي شوفه وحده رايد الحيل مني ياجماعه بايد والنار تسعر بالگلب ومجمره ******************** ودوني لديار النبي ودوني صحت اني بيكم بالله لتعوفوني لمن مشيتو بحسره خليتوني ماگلتو هايم بالنبي شيصبره ********************* محلى شملهم صعدو السياره كصدو محمد طالبين انظاره مثل الجذع حنيت مالي چاره دمعات عيني عالوجن متنثره ******************** مني امانه اخذوها ومحملكم عندي طلب وارجاه اني منكم وصلو سلامي للنبي سايمكم گولوله عاشگ حيل رايد نظره ********************* خافن اموت اومااصل لديارك لانام يمك لااظل خطارك شيقنع اگليبي الذي مازارك احچي معاه ايگول مقبل عذره ********************* الله وكيل الدمع مني يجري شحچي شسولف على البيه يجري بس راح اگلك عبره شگت صدري واعرف شلون الحال يابوالزهره ********************** جرحي كبر گلي شنو شيطيبه دكتوري بس موجود برضچ طيبه طالت علية ليش ربي الغيبه مدري شوكت ملگانا واشتم عطره ********'*********** روحي تريد تروح مني تمشي كثر السهر ياربع ذبل رمشي يحچون ويگولون مابي كلشي وبگلبي موبس ضيم لوعة وحسره *********************** وگفوني يم دار النبي وگفوني ساكن دليلي هايم ومفتوني اني عبالي الوحدي متعوفوني احلم انام اهناك يم الحضره *'***' ************** مو يمي محبوبي بعيده دروبه منل بعد حالي باقي بس يلوبه گلبي سباني رايد المحبوبه حن وتمنى يشوف قبة الخضره ********************** مرسال اخذ وياك يلي تگصد اقرى كلامي هناك يم محمد گله ترى محتاجلك سيد احمد ابن المشايخ بيك يكتب شعره 2026/8/3