MZP Assembly 2026 | Dr. C. Lalremruata, President MZP GHQ Speech || September 25, 2026 ||

𝐌𝐙𝐏 𝐘𝐨𝐮𝐭𝐮𝐛𝐞 𝐂𝐡𝐚𝐧𝐧𝐞𝐥-𝐚 𝐮𝐩𝐥𝐨𝐚𝐝 𝐭𝐞 𝐡𝐢 𝐜𝐡𝐚𝐧𝐧𝐞𝐥 𝐝𝐚𝐧𝐠𝐚𝐡 𝐮𝐩𝐥𝐨𝐚𝐝 𝐞𝐦𝐚𝐰 𝐥𝐨 𝐜𝐮𝐭 𝐜𝐡𝐡𝐚𝐰𝐧𝐚 𝐮𝐩𝐥𝐨𝐚𝐝 𝐩𝐡𝐚𝐥 𝐚 𝐧𝐢𝐥𝐨 MZP Assembly vawi 70-na chu vawiin September ni 25, 2026(Zirtawpni) chawhma dar 11:00 khan hun hman niin Pu Richard Vanlalhmangaiha, MP(Lok Sabha) chu Khuallian niin, Rev. Lalnuntluanga Sailo, Darlawn Venghlun Pastor Bial vawngtu chuan hunserh hmangin, Pu Lalentlinga, Asst. General Secretary kaihhruainain hun hman a ni. He hunah hian, Dr. C. Lalremruata, President MZP-GHQ chuan thusawiin, MZP Assembly rorel-ah Agenda sawm pakhat nimin chawhnu khan kan pass a, Assembly zawh veleh a hlawhtlin theih nan chak taka hmalak a nih tur thu leh Agenda a tello mimal duham ten a an nek buai reng College rambuai chungchângah hmalak anih tur thu a sawi. President chuan, Assembly neih chhunga Darlawn mipuite khawtlang hruaitute thlawpna leh inpekna te, mikhual heti zat min thlen danah lawmthu a sawi bawk a ni. Khuallian Pu Richard Vanlalhmangaiha, MP(Lok Sabha) chuan, "Zirlaite thiamna leh finna petu Education chu a ngaih pawimawh ber a nih thu leh MP fund atanga khaw 94 a school sak thatna tur a pek chhuah tawh thu a sawi a, ZPM Sawrkarah zirlaite tan dik taka hnalak hrang hrang kalpui mek a ni a, in duhsakna a awm loh thu leh a tling leh tlak ngei lak thin an nih thu a sawi. Khuallian chuan, "Mizoram chhunga zirlaite hian ram danga hnathawh dan turte kan dap a ngai hle a, state danga kan unaute chu hmung hrang hrangah an in zar pharh nasa hle a, an mahni in theihtawp chhuahin an in hai kua a, an awhawm in an tangkai thin hle a ni" a ti. He hunah hian, Pu Gilbert Lalhlimpuia, BDO chuan Urban Development & Poverty Alleviation (UD&PA) aiawhin thu sawiin, India sawrkarin Bawlhhlawh sawngbawl dan tur chi 4 a rawn siam thar a, heng sawrkar laipuiin a rawn chhuahte hi chhungkaw tin in a zawm tur leh faina kawnga tan la zual deuh deuh turin palai kalkhawmte a chah.