ردية | طيرين غابو | كلمات | ذيب عوجان | عبدالله عوجان | اداء | معيض الرشيدي | حصرياً

رديه بصوت المنشد العذب معيض الرشيدي وكلمات رائعه من كل الشاعرين كلمات ذيب عوجان - وقلبي اللي كل ما حلّ طاريه طرت عليها اللي تحرّى ابو ونوره ماصعب من الموقف ليا صرت تخفيه على أمي اللي تنتظر في حضوره أنغير الموضوع لا حلّ طاريه وإليا سألت قلنا لها: راح دوره حبل الكذب مبطي عليها ممشّيه وأجاملها وأمشي على طوع شوره لعيون من هي تدعي الليل ترجيه اللي على صكات بقعا صبوره طيرين غابوا في زمن مشتبه فيه بغيابهم شكّل عليها خطوره طيرٍ غيابه داريٍ وين راعيه وطيرٍ غيابه ما درت عنه نوره يارب صبّرها على اللي هي فيه ويا رب بشّرها بفرحة ظهوره رد عبدالله عوجان - سمعت ابو فارس يغني وقلت: ايه هذا القصيد اللي سرت بي بحوره وعلى لحون المنشد اللي يغنيه جريت صوت الحزن واشجا طيوره من خلف قضبان كئيبه لياليه تبكي على سنينه نواظر عصوره وصدري اللي ضيقته تحترق فيه من عام الأول بس تغتلي قدوره صحيح حبل الكذب تقصر خطاويّه بس الحكم هذا قصيرة شهوره تقضي شهوره قبل تكشف خوافيه ما هو مثل حكمٍ طويلة دهوره خلك كذا يا ذيب لا يبين خافيه وكذبك عليه يجوز وقت الضرورة لو تدري أمي عن هجمات تحاتيه وتتزايد الضيقة بصدر الصبورة الضربة اللي تضرب الراس منيه هالثانية توجع وفيها خطورة والشعر وصلّو لـ ابو نوره خوافيه وسلّم عليها إن رحت يمها تزوره سمعت بأخباره وأنا ما أقدر أجيه وزادت على قلب المكسّر كسوره والله يجمع كل غالي بغالي وكلٍ مع أحبابه يلاقي سروره حصريي