ӨМІРІМДЕГІ ЕҢ МАҢЫЗДЫ СҰХБАТ

Бұл подкаст менің архивімде тұп-тура бір жыл жатты. Мен оны жариялауға бата алмадым, кейінге қалдыра бердім, өйткені бұл — менің өмірімдегі ең маңызды, ең қиын және ең шынайы әңгіме. Бұл менің анаммен болған әңгіме. Сізде осылай солай бола ма? Біз сырттай мықтымыз, кәсіби маманбыз, жүздеген адамға жол көрсетеміз. Бірақ анамыздың алдына келгенде — баяғы кішкентай, қорғансыз балаға айналамыз. Неге біз ең жақын адамымызға жүрегімізді аша алмаймыз? Неге ең маңызды сөздер тамағымызға кептеліп, айтылмай қала береді? Егер сіз анаңызбен арадағы суықтықты сезінсеңіз немесе іштегі өкпе-ренішті жібере алмай жүрсеңіз — өзіңізді кінәламаңыз. Біздің буынды сезімді білдіруге емес, «төзімді болуға» үйретті. Бірақ бұл үнсіздік біздің өмірлік энергиямызды тауысады. Бір жыл бойы іштей пісіп, бүгін жарыққа шыққан бұл шығарылымда біз: Ана мен бала арасындағы «көрінбейтін қабырғаны» қалай бұзуға болады? Өткен күннің өкпесін қалай кешірімге айналдырамыз? Анамызды «ана» деп қана емес, тағдыры бар «әйел» ретінде тану неге маңызды? Есейгенде анамыздың батасын алудың нағыз құдіреті неде? Мен бұл видеоны жариялау арқылы өз «әлемімді» сіздерге аштым. Бұл жай ғана подкаст емес, бұл — сіздің де анаңызға барар жолыңыздың бастауы болсын!Уақыт барда, мүмкіндік барда айтып үлгеріңіз. Менің туған күнімдегі ең үлкен тілегім — осы видеодан кейін анаңызға қоңырау шалып, «Мен сізді жақсы көремін» десеңіз, менің мақсатымның орындалғаны. #ДанаНұржігіт #DanaSoz #подкаст #ДанаНуржигит