مسلسل Dark | شرح نهاية مسلسل دارك الموسم الثالث الحقيقية | (العشاء الأخير)

نهاية مسلسل دارك - dark من النهايات التي تحتاج إلى تحليل وفهم عميق لمجمل المسلسل فلا تنسى عزيزي المشاهد مشاهدة فيلم أو مسلسل جيد هو متعة تحسب من عمرك، ولا تنسى الاشراك في القناة في لحظة رومانسية سعيدة في اخر حلقة من التحفة الألمانية DARK... يمسك فيها يوناس ايد مارثا ويقولها متصدقيش غير اننا كنا زوج متكامل... وادم يحضن إيف بدل ما يقتلها... والدموع تفر من عيوننا وقت ما معاناة العالمين بتنتهي وكل شيء بيتلاشى في هدوء.. على خليفة موسيقى أغنية WHAT WONDERFULL WORLD... كل شيء صح كل شيء بينتهي نهاية سعيدة في البداية لازم أتكلم عن خدعة التفوق على الزمن اللي مكنش عارفها آدم غير في الحلقة الأخيرة، وايه علاقة ده بالشخصية الغريبة اللي ظهرت في الموسم الثالث واللي مكنش ليه اسم لكن كانو بيقولو أنه "الأصل" وليه أصلا سموه الأصل. آدم مكنش يِعرف المَعلومة اللي كَان إيف وكلوديا يعرفوها، واللي هي أن خلال إنفجار نهاية العالم، أو الأبوكاليبس، بيحصل فجوة في الزمن، لمدة أجزاء من النانو سكند، والفجوة دي هي اللي منها كانت إيف بتعمل واقع موازي للواقع الأصلي ومن خلاله بتفشل خطط آدم في كل دورة. وخليني أقولك هنا أن في العالم بتاعنا ده في نظرية علمية اسمها تباطؤ الزمن أو إيقاف الزمن بتوصف الموضوع ده فعلا. ومن خلال الفجوة الزمنية اللي بتحصل دي (إيف) بتقدر تخلق واقعين، واقع فيهم بتقدر تنجب من يوناس (الأصل)، واللي هو الشخصية الجديدة اللي اقتحمت الموسم الثالث بطريقة غريبة. وتعال معايا هوريك في الخريطة الأساسية، أن الأصل ده بيتجوز (أجنس) سواء في عالم آدم أو في عالم إيف. وأجنس بتخلف منه "تورنت" اللي هو أصلا أبو "أولريش" اللي هو أبو "ميكيل" اللي هو أبو "يوناس" أبو الأصل. ومن هنا بتنشأ لوب أو دائرة من الولادة غير منتهية، وعشان آدم كان عايز يقتل الأصل، اللي منه بتنشأ اللوب دي. فهمت ... خد نفسك وريح وافمها بالراحة .... الأصل هو السبب في أنه يخلف أغلب الشخصيات اللي بتعلق في الدودة الزمنية اللي في المسلسل، عشان كده آدم كان شايف، أنه لما يتخلص من الأصل فهو هايتخلص من العالمين وهاتنتهي المعاناة والآلم. وهنا يجي دور كلوديا، اللي بتشرح لآدم أن فكرته غلط، وأن في عالم ثالث هو العالم الأصلي، وأن عالم آدم وعالم إيف هما عالمين منشطرين من عالم أصلي، وبتديله معلومة أنه أخيرًا ينفع يغير الزمن من خلال استغلال الوقت اللي بيتوقف فيه الزمن تمامًا وينفع تبدأ تغير في الواقع. وده اللي عمله آدم بالفعل، أنه خلى يوناس ياخد مرثا ويروح للعالم الثالث أثناء حدوث الأبوكاليبس في عالم حواء وتوقف الزمن، ويروح للعام 1986 في العالم الأصلي ويمنع موت ابن العَالِم تانهاوس من الموت، وبكده يمنع أن العَالِم يخلق آله الزمن من الأساس ويمنع حدوث الإنشاطر اللي آدى إلى وجود عالم آدم وإيف. فتتحقق النهاية السعيدة، وكل الآلم والمعاناة تختفي. بس استنى متندمجكش اوي كده... ماهو انت لو فاكر ان دي نهاية دارك تبقى مخدوع... انا هثبتلك أن النهاية كعادة المسلسل فيها قصة مأسوية مش واخد بالك منها... والدليل في العشاء الاخير في اخر مشهد من الحلقة الاخيرة... في العشاء الاخير بنلاحظ كام حاجه عن العالم الاصلي أولا الشخصيات اللي موجودة هما بس اللي ملهومش أي علاقة بشجرة العيلة اللي انجبوا من الأصل واغنيس زي هانا وكاتارينا وبيتر دوبلر وريجينا تيدمان وتوربن وبيرناديت فولر وده مقبلوا بما ان الأصل مبقاش موجود ثانيا بيت هانا ويوناس أصبح بيت ريجينا اللي معندهاش سرطان وعايشة عادي ومتجوزتش اليكسندر ولا خلفت بارتوش، لانها أصلا اتجوزت اليكسندر بسبب تنمر اولريش عليها، واورليش مش موجود في العالم ده خلاص وبالتالي اليكسندر كمان مش موجود وده اللي كانت كلوديا عايزة ومستفيدة منه في العالم الاصلي بعكس عوالم ادم وحواء بنلاحظ كمان ان كلوديا هنا متزوجة بيرند دوبلر صاحب المصنع ومن الواضح أنها سعيدة ثالثا بنشوف هانا وكاتارينا اصدقاء وهانا متزوجة الظابط توربن اللي معندوش عاهة في عينه واخت الظابط بيرناديت صديقة لبيتر وكلهم قاعدين مبسوطين ومفيش بنهم عداوة زي العوالم اللي نعرفها والملحوظة الأهم هي ان هانا حامل واثناء ما هما قاعدين بيضحكوا وقبل ما المحقق يحكي حكاية الحادثة اللي كادت عينيه تروح فيها. حدث وميض وانقطاع في الكهرباء وده اول دليل على نهاية دارك المأساوية ... لان الأحداث دي مشابهة للي بيحصل وقت ما ثقب دودي يتفتح أو حد يسافر بين الأزمنة ووقتها هانا بتحكي عن الديجيا فو والحلم اللي حلمته واحنا عارفين أن أحلامها دي ذكريات للشخصيات المقابلة في العوالم والأزمنة التانية... زي ما كان بيحصل ليوناس الموسم الأول لكن اهم حدث وركز معايا هنا بقى... لما ريجينا بتسال لو دي نهاية العالم فعلا تحبوا تتمنوا ايه... فترد كاترينا وتقول إن فيندن تختفي.. وبعدين يرد عليها بيتر انها مش هتختفي ابدا... وتقرر هانا في الاخر انها تسمي ابنها يوناس افتكر معايا بقى امتى شوفنا نفس المشهد ده... شوفناه بين هانا واولريش في الموسم الأول حلقة تالته... كنا في زمن ١٩٨٦ ودار نفس السيناريو ما بنهم وقت انقطاع الكهرباء ووقت انتقال أحد الشخصيات من زمن لتاني... وكانوا قاعدين ف محطة الاتوبيسات في فندن وكأن اللحظة اللي قررت فيها هانا في العالم الاصلي تسمي ابنها يوناس ... فتحت معبر او ثقب دودي وعملت خلل في المصفوفة.... وسمحت بتكون نهاية لبداية وسيكل جديدة ... سواء في العالم الاصلي أو عوالم موازية منشطرة عنه مع معاناة جديدة tags: مسلسل dark الالماني مسلسل dark يوم نهاية العالم لغز مسلسل dark شرح نهاية مسلسل dark نظريات عن مسلسل dark مراجعة مسلسل dark لقطات مسلسل dark شرح مسلسل dark تحليل مسلسل dark شخصيات مسلسل dark تفسير مسلسل dark مسلسل dark 2020 مسلسل dark الموسم الثالث مسلسل dark season 3 حقائق عن مسلسلdark فهم مسلسل dark مسلسل دارك نهاية العالم نظريات مسلسل دارك #السميع #مسلسل_دارك