يا حنّ قلبي صفر وجماد وقصيّر / كلمات الشاعر : عايض سعود الحبابي / أداء حمد منير الهاجري

@adv1435 مونتاج يا حنّ قلبي صفر وجماد وقصيّر / كلمات الشاعر : عايض سعود الحبابي / أداء حمد منير الهاجري يا حنّ قلبي صفر وجماد وقصيّر والصوم والفطر والاضحى من الخاطر حنّة خلوجٍ فجعها فقدت حويّر تسعى سنود وخذوا مظنونها حادر عليك يا اللي تركني و أبعد الديّر زيزومنا لا تنادوا والفشق ماطر يا خوي نهر الكرم والطيب يا الخيّر يا محزم الصدق يا البتار يا الباتر وجه السعد والنقا يا الصافي النيّر حّبه لحاله بقلبي حطه القادر يا هيف راحوا وانا ممنوع متحيّر بتقول صدري بلاد حيّها سافر ايوالله اني من اللي جاه متغيّر ردوا لعيني بعيد النوم يا ظافر ودعت اخوي السنافي كني غريّر أكتم على دمعتي لا تفضح الناظر غارت عبار الموادع موج وتقيّر امسك ضلوعي اخاف تطير وتغادر وين اتسلى وملي صوبه اسيّر وين انت يا عيد ضيف البُعد والخاطر ايوالله اني من اللي جاه متغيّر ردوا لعيني بعيد النوم يا ظافر يا محمد اوصيك يا الزحزيح يا الخيّر اكرم عزيزٍ صبر للموت ويكابر ابطى يكابر ينازع جرحه الصيّر وان طاح قام وتعزوى وأخرس العاثر ابوك تكفى لو انك شبل وصغيّر هدّاج ما يسأل الورّاد والصادر مثل الجبل ثابت شامخٍ ولا غيّر فيه الحجا والذرا والظل والحاجر والله لو اقدر على المطلوب ما اشيّر لانزع له العافية من العين والصابر يا جعل من لامني تاتيه وتطيّر من فوّهة مطرَق البلجيك متقاطر طلقات من عدة جت بِيد مُتخيّر والرامي (عكيْب) درع القوم يا جابر *عكيب : هو البواردي المشهور جابر سعيدان القحطاني وعكيب لقبه.