«ЕЛДІГІМІЗДІ АСҚАҚТАТҚАН ЕГЕМЕНДІК»

Республика күніне орай С.Сейфуллин атындағы орталық қалалық кітапханада «Елдігімізді асқақтатқан егемендік» атты танымдық кездесу өтті. Шараға Балқаш тарихи-өлкетану музейінің ғылыми қызметкері Дәулет Қожақов пен Абай атындағы №2 мектеп-лицейінің тарих пәні мұғалімі Сәбит Ермахан қатысты. Кездесуге еліміздің әр өңірінен келіп, «Балдәурен» республикалық оқу-сауықтыру орталығында демалып жатқан оқушылар шақырылды. Тарихты тану – елдікті бағалап, болашаққа жауапкершілікпен қараудың негізі. Осыны мақсат еткен қонақтар жас буынға Республика күнінің тарихи маңызы мен егемендікке жету жолын түсіндірді.