श्री हनुमान कवच | मधुर लयबद्ध संस्कृत पाठ | Hanuman Kavacham with Lyrics

श्री हनुमान कवच | मधुर लयबद्ध संस्कृत पाठ श्री हनुमान वाणी के साथ श्रद्धापूर्वक सुनें और नीचे दिए पाठ को साथ पढ़ें। ॥ श्री हनुमत्कवचम् ॥ ॐ अस्य श्री हनुमत्कवचस्तोत्रमहामन्त्रस्य वसिष्ठ ऋषिः। अनुष्टुप् छन्दः। श्री हनुमान् देवता। मारुतात्मज इति बीजम्। अञ्जनासूनुरिति शक्तिः। वायुपुत्र इति कीलकम्। हनुमत्प्रसादसिद्ध्यर्थे जपे विनियोगः॥ उल्लङ्घ्य सिन्धोस्सलिलं सलीलं यश्शोकवह्निं जनकात्मजायाः। आदाय तेनैव ददाह लङ्कां नमामि तं प्राञ्जलिराञ्जनेयम्॥ मनोजवं मारुततुल्यवेगं जितेन्द्रियं बुद्धिमतां वरिष्ठम्। वातात्मजं वानरयूथमुख्यं श्रीरामदूतं शिरसा नमामि॥ उद्यदादित्यसङ्काशं उदारभुजविक्रमम्। कन्दर्पकोटिलावण्यं सर्वविद्याविशारदम्॥ श्रीरामहृदयानन्दं भक्तकल्पमहीरुहम्। अभयं वरदं दोर्भ्यां कलये मारुतात्मजम्॥ श्रीराम राम रामेति रमे रामे मनोरमे। सहस्रनाम तत्तुल्यं रामनाम वरानने॥ पादौ वायुसुतः पातु रामदूतस्तदङ्गुलीः। गुल्फौ हरीश्वरः पातु जङ्घे चार्णवलङ्घनः॥ जानुनी मारुतिः पातु ऊरू पात्वसुरान्तकः। गुह्यं वज्रतनुः पातु जघनं तु जगद्धितः॥ आञ्जनेयः कटिं पातु नाभिं सौमित्रिजीवनः। उदरं पातु हृद्गेही हृदयं च महाबलः॥ वक्षो वालायुधः पातु स्तनौ चाऽमितविक्रमः। पार्श्वौ जितेन्द्रियः पातु बाहू सुग्रीवमन्त्रकृत्॥ करावक्षजयी पातु हनुमांश्च तदङ्गुलीः। पृष्ठं भविष्यद्ब्रह्मा च स्कन्धौ मतिमतां वरः॥ कण्ठं पातु कपिश्रेष्ठो मुखं रावणदर्पहा। वक्त्रं च वक्तृप्रवणो नेत्रे देवगणस्तुतः॥ ब्रह्मास्त्रसन्मानकरो भ्रुवौ मे पातु सर्वदा। कामरूपः कपोले मे फालं वज्रनखोऽवतु॥ शिरो मे पातु सततं जानकीशोकनाशनः। श्रीरामभक्तप्रवरः पातु सर्वकलेबरम्॥ मामह्नि पातु सर्वज्ञः पातु रात्रौ महायशाः। विवस्वदन्तेवासी च सन्ध्ययोः पातु सर्वदा॥ ब्रह्मादिदेवतादत्तवरः पातु निरन्तरम्। य इदं कवचं नित्यं पठेच्च शृणुयान्नरः॥ दीर्घमायुरवाप्नोति बलं दृष्टिं च विन्दति। पादाक्रान्ता भविष्यन्ति पठतस्तस्य शत्रवः। स्थिरां सुकीर्तिमारोग्यं लभते शाश्वतं सुखम्॥ इति निगदितवाक्यवृत्त तुभ्यं सकलमपि स्वयमाञ्जनेय वृत्तम्। अपि निजजनरक्षणैकदीक्षो वशग तदीय महामनुप्रभावः॥ इति श्री हनुमत्कवचम्॥ पाठ-संदर्भ: https://vignanam.org/samskritam/hanum... यह भक्तिमय, AI-सहायता से निर्मित गायन एवं दृश्य प्रस्तुति है। आस्था-संबंधी संदेश किसी निश्चित सांसारिक परिणाम की गारंटी नहीं हैं। ऐसी भक्ति प्रस्तुतियों के लिए श्री हनुमान वाणी को Subscribe करें। जय श्रीराम! जय हनुमान! #हनुमानकवच #HanumanKavach #ShriHanumanVaani