مقدم مطير الدويش 2025 ياعزوة مطير الفخر 🔥👏| فايز الدوسري وغزاي بن سحاب | كلـمـات : مشاري الرحيمي

كلمات الشاعر : مشاري سعود الرحيمي تجدد الذكرى ليا هبت نسانيس الصباح هذا وانا مبعد عن دروب الهوا ووطانها ياوجد حالي كل صبح الي معه قصة كفاح من يشتري قلبّ همومه مسرفه ب احزانها اثر المحب يعيش مابين التداوي والجراح وجروحه اللي من سنه مابريت ابيخطانها واستذكر ليالّ مضت بين التأمل والمزاح وبيوت شعرّ تنطرق في مبسمّ وعيانها من جرب شعور الفراق اللي تقفاه الصياح يبا يشوف ان الحياه ماعادها بالوانها ومسباحي اللي في يدي مثل الذخيره فالسلاح اضرب بحده ووزن الشاره على نيشانها وعلى الجزاله رابطن حبل الفكر والها مباح وتفاقها مترصدن فـ الموقع لغزلانها وغليص ابن رماح ماياخذ مشوره من فلاح اهب ياهقوة فلاح اللي يضحك شانها وجعل السحاب اللي قنوفه ترتوي منه الفياح منها زماليق الغصون تفوح من ريحانها من حد شطك يابحر جده ليا حدود الصباح هذي ديارّ عامره بشيوخها وفرسانها ياعزوة مطير الفخر والمجد ماجانا سماح بالفعل يوم ان الرمك تدبك على ميدانها ربعي مطوعت العصاه محنيت منها الرماح اهل المغازي متعبه بسيوفها عدوانها وعلى شيوخ مطير بابك يالمدح دايم متاح ولابرك من الامداح لاصارت على عنوانها هذا الدويش ومقدم مطير ومصافيه القراح شيخّ بفعله يقلب الكفه على ميزانها وسعود ابن عبدالعزيز الهيلع بعيد الشباح مدهال وينومس بني عمّ طوال ايمانها تنشر له البيضاء من فعولن خذاها باجتياح ومواقفه تبهج صدور مطير طول ازمانها لاعقد حجاجه تضيق الارض مافيه انشراح ولامن ضحك خيره يعم الارض من فيضانها ياحي والله من يرحب كل ليله ماستراح ومجالسه طول الزمان امشرعن بيبانها نسل الحرار ومتعبّ في مرقبه يد الشحاح والطيبه تزها الرجال اللي نظاف اضنانها واطرب على مدح الكفو لاهاضني برقه ولاح وعلم الوفاء يبقى وراع الطيب هو سلطانها