Herof Girok Aata | Mir Ahmed Baloch | Shehwal Baloch | M.A.B Prodution

#mirahmedbaloch #balochisong #mirahmedbaloch #balochisong Herof O Gerok Ahta Singer: Mir Ahmed Baloch Lyricist: Pehwal Baloch ____________________ فدائیک تاریخ ئنا پیشانی آ لکّار فدائیک سُقراتی او کُنگُر ابد او زار فدائیک عشق ئٹ دا وطن نا سفا بےسار فدائیک بُندَر تے تینا آلُم ءِ اِلّار فدائیک دُشمن تیکن زاری او دا سیامار فدائیک کننگ او عجَب پاک او دا کِڑدار فدائیک عِشق ءِ دا وطن نا تینا دُوخوار فدائیک نُم گواڑِخ و سوسن سَمَن و پھل گلاباک ہمّت نا قَلم دُوٹی و جِیرت نا کتاباک دننگ او ملار ئٹ نُمے عشق آتا شراباک خُمب ئٹ نما پوغاک لِِخ ئٹ سہت زراباک ہیروف و گِروکاتا اریر یار فدائیک انت انت و ہُنَر جنگ ئٹی دا ایل کریرَک یَک بارہ ٹی دشمن تیا او میل کریرک ڈُکّال ءِ غُلامی نا دا پابیل کریرَک دڑداتے تینے آ سفا اِشکیل کریرَک صحرا تے کریر لُکّی آ گُلزار فدائیک کوٹوری آ دا خؤش او عجَب تینا سفَر تون گُڈِّنگ او بد آ بخت ءِ شجاعت نا تفَر تون دا دؤر ئنا کنِّنگ او امَر قِسّہ شِمَر تون ظالِم نا مُخ ءِ پِرغِسہ او تینا ہُنَر تون ئٹکل کریسا پُوسکنو ہر وار فدائیک الّنگو دا ہِمّت نا دیہاڑ ئن سَنَد آتے خُوڑتی ٹی بِنیرہ امہ دا ڈے نا بَد آتے تنیا سفا کُورِک بس اسِٹ ئس تا سد آتے رکّنگ او لِوار آن وطن نا سرحد آتے کیمپ آتیٹی تہ پیہِرہ بےخار فدائیک چَکُّل تیان دا کُنگنو چَٹ سُرّ و خُمار او دا رقص ئٹی بےسُدّ او چَٹ ابدال او ملَار او یُونگارہ او دا سُم تا دا تراک آتا توار او ایلُم تیتو دا جار ہُرَک اِیڑک اوار او کننگ او دترتے تینا چِٹکار فدائیک پُتک الکُٹ ہر حرف ئٹ سفا کِشکاٹ تینے آن ای خوار دُنو بےمُل او گوہاٹ تینے آن انت ئس کہ کنا وَسّ ئٹ اس لِکّاٹ تینے آن بس ایت منہ نظم ئٹی شاغاٹ تینے آن لؤز آتے کنا شون دا بشخار فدائیک