Дмитрий Гаврильевич Андреев аатынан искибиэр аһылынна. 07.08.2024 сыл.

Искибиэр аһыллыытыгар Кутана нэһилиэгин олохтоохторо, аймахтара, оҕолоро кыттыыны ыллылар. Аҕам саастаахтарга ытыктабыл сылынан Сунтаар улууһун дьаһалтата 2мөл 900 солк үп көрөн бу искибиэр тутулунна. "Сервис проф" тэрилтэ кылгас кэм иһигэр тутан киллэрдэ. Санатан этэр буоллахха Дмитрий Гаврильевич Андреев 1963с. субай сүөһүнү көрөргө Тумул ферматын төрүттээн үлэлэппитэ. Субай сүөһүгэ үрдүк көрдөрүүлэрин иһин социалистическай үлэ геройун аатын ылбыта. Кини аатынан Кутана орто оскуолатын бүтэрэр оҕолорго грант туттараллара үтүө үгэскэ кубулуйда.