ليه مصريين رافضين إرسال الجيش للخليج؟و بعد تجربة الإخوان هل نخاف من اختيار الشعب للرئيس القادم؟

هل المشكلة في تدريب كوادر داخل الأكاديمية العسكرية لتأهيلها للترشح للرئاسة؟ ولا المشكلة الأكبر إننا وصلنا لمرحلة بقينا فيها نخاف من اختيارات الناخب نفسه؟ بعد ثورة يناير، المصريون انتخبوا جماعة الإخوان المسلمين، ووصلت الجماعة إلى الحكم عبر الانتخابات، وده بيخلينا نطرح سؤال مهم: هل كل مواطن عنده الوعي السياسي الكافي اللي يخليه يميّز بين المرشح صاحب المشروع الوطني، والمرشح اللي ممكن يستغل الدين أو الشعارات للوصول للسلطة؟ هل التجريف السياسي وضعف الحياة الحزبية على مدار سنوات خلّوا قطاعًا من المصريين أقل قدرة على تقييم المرشحين وبرامجهم؟ وهل إعداد كوادر مؤهلة لقيادة الدولة ممكن يكون جزءًا من الحل؟ في الحلقة دي هنتكلم بصراحة عن أزمة الوعي السياسي في مصر، وتجربة الإخوان، ومخاوف تكرارها، وهل الأفضل إننا نرفض فكرة تأهيل المرشحين داخل الأكاديمية العسكرية، ولا نطالب بمعايير واضحة تضمن الكفاءة والقدرة على حماية الدولة المصرية، مع الحفاظ على حق المواطن في الاختيار. السؤال مش بس مين هيحكم مصر، لكن كمان: إزاي نضمن إن اللي يوصل للحكم يكون مؤهلًا فعلًا لقيادة دولة بحجم مصر؟