Pastiçe nga zonja Vjollca

#rrezedielli #reportTV Pastiçe Përbërësit: 400 gr makarona 4 kokrra vezë 200 gr djath të bardhë 1 litër qumësht kripë gjalp për lyerjen e tavës 2 lugë gjelle vaj ulliri Beshameli 50 gr gjalp 50 gr miell 400 ml qumësht kripë, arrëmoskat Përgatitja: Përgatitja: Vendosim një tenxhere me ujë të bollshëm për të vualuar. Shtojmë kripën dhe më pas makaronat. I lëmë të ziejnë për 2-3 minuta më pak nga minutazhi I shkruar në etiketë. Ndërkohë në një tigan shkrijmë gjalpin dhe kavardisim miellin derisa të ziejë në gjalp. E shuajmë me qumësht duke e trazuar me tel derisa beshameli të ziejë. E largojmë dhe e rregullojmë shijen me kripë dhe arrëmoskat. Rrahim vezët, shtojmë 2 lugë gjelle vaj ulliri, qumështin, djathin dhe kripën. Lyejmë tepsinë me gjalp, kullojmë dhe vendosim makaronat në tavë duke I niveluar ato në të gjithë sipërfaqen. Shtojmë mbi makaronat qumështin me vezë dhe djathë, rregullojmë dhe nivelojmë djathin duke shtuar sipër beshamelin. Grijmë në fund pak djathë kaçkavall dhe e vendosim në furrë në temperaturë 200 gradë Celsius, për 25 minuta.