CARMEL PRERAN I ದೆಂವ್ಸಾರಾಕ್ ದಾಂವ್ಡಾಂವ್ಕ್ ಕಿತ್ಯಾಕ್ ಜಾಲೆಂನಾ? I Sat I 18 ORD Sunday I Matthew 17: 14-20

ಮಾತೆವ್ 17: 14-20 ತುಮ್ಕಾಂ ಭಾವಾಡ್ತ್ ಆಸತ್ ಜಾಲ್ಯಾರ್ ತುಮ್ಚ್ಯಾನ್ ಕರುಂಕ್ ಅಸಾಧ್ ಮ್ಹಣ್ಚೆಂ ಕಿತೆಂಚ್ ಆಸ್ಚೆಂನಾ ಉಪ್ರಾಂತ್ ಲೊಕಾಚ್ಯಾ ಜಮ್ಯಾಸರ್ಶಿಂ ಜೆಜು ಆನಿ ತಾಚೆ ಶಿಸ್ ಪಾವ್ಲಲ್ಯಾ ವೆಳಾರ್ ಏಕ್ ಮನಿಸ್ ಜೆಜುಸರ್ಶಿಂ ಯೇವ್ನ್ ತಾಚೆಮುಕಾರ್ ಸರ್ಪಡೊನ್ ಮ್ಹಣಾಲೊ: “ಸಾಯ್ಬಾ, ಮ್ಹಜ್ಯಾ ಪುತಾಚಿ ಕಾಕುಳ್ತ್ ಕರ್! ತಾಕಾ ಮೊರ್ಲುಕ್ ಆಸಾ ಆನಿ ಇತ್ಲ್ಯೊ ಘಡಾಮೊಡಿ ತೊ ಕರ‍್ತಾ ಕೀ, ಸಬಾರ್ ಪಾವ್ಟಿಂ ತೊ ಉಜ್ಯಾಂತ್ ಆನಿ ಉದ್ಕಾಂತ್ ಪಡ್ತಾ. ಹಾಂವೆಂ ತಾಕಾ ತುಜ್ಯಾ ಶಿಸಾಂಸರ್ಶಿಂ ಹಾಡ್ಲೊ, ಪುಣ್ ತಾಂಚೆನಿಮ್ತಿಂ ತಾಕಾ ಬರೊ ಕರುಂಕ್ ಜಾಲೆಂನಾ.” ತವಳ್ ಜೆಜುನ್ ಜಾಪ್ ದೀವ್ನ್ ಮ್ಹಳೆಂ: “ಏ ಅವಿಶ್ವಾಸಿ ಆನಿ ನಶ್ಟ್ಯೆ ಸಂತತೇ, ಕೆದೊಳ್ ಪರ್ಯಾಂತ್ ತುಜೆಸಾಂಗಾತಾ ಹಾಂವೆಂ ರಾಂವ್ಚೆಂ? ಕಿತ್ಲೊ ಕಾಳ್ ಹಾಂವೆಂ ತುಕಾ ಸೊಸುನ್ ವ್ಹರ‍್ಚೆಂ? ಹಾಡಾ ತಾಕಾ ಹಾಂಗಾ ಮ್ಹಜೆಸರ್ಶಿನ್.” ತಾಕಾ ಹಾಡ್ತಚ್ ಜೆಜುನ್ ತಾಕಾ ಭೆಶ್ಟಾಯ್ಲೊ ಆನಿ ದೆಂವ್ಸಾರ್ ತಾಚೆಥಾವ್ನ್ ಭಾಯ್ರ್ ಗೆಲೊ. ಅಶೆಂ ತ್ಯೆಚ್ ಘಡಿಯೆ ಭುರ್ಗೊ ಬರೊ ಜಾಲೊ. ಉಪ್ರಾಂತ್ ಜೆಜು ಎಕ್ಸುರೊ ಆಸ್ತಾನಾ, ಶಿಸ್ ತಾಚೆಸರ್ಶಿಂ ಯೇವ್ನ್ ವಿಚಾರಿಲಾಗ್ಲೆ: “ತ್ಯಾ ದೆಂವ್ಸಾರಾಕ್ ಭಾಯ್ರ್ ಘಾಲುಂಕ್ ಆಮ್ಕಾಂ ಕಿತ್ಯಾಕ್ ಸಾಧ್ ಜಾಲೆಂನಾ?” ಜೆಜುನ್ ಜಾಪ್ ದಿಲಿ: “ತುಮ್ಚೊ ಭಾವಾಡ್ತ್ ಬೊವ್ ಅಸ್ಕತ್ ದೆಕುನ್, ಖರೆಂಚ್ ಹಾಂವ್ ತುಮ್ಕಾಂ ಸಾಂಗ್ತಾಂ: ಏಕ್ ಸಾಸ್ವಾಚ್ಯಾ ಕಣಾ ಇತ್ಲೊ ಭಾವಾಡ್ತ್ ಸಯ್ತ್ ತುಮ್ಕಾಂ ಆಸತ್ ಜಾಲ್ಯಾರ್, ಹ್ಯಾ ದೊಂಗ್ರಾಕ್ ‘ಹಾಂಗಾಚೊ ಉಟೊನ್ ಥಂಯ್ ವಚ್’ ಮ್ಹಣೊನ್ ತುಮಿ ಸಾಂಗಾ ಆನಿ ತೊ ವೆತೊಲೊ. ತುಮ್ಚ್ಯಾನ್ ಕರುಂಕ್ ಅಸಾಧ್ ಮ್ಹಣ್ಚೆಂ ಕಿತೆಂಚ್ ಆಸ್ಚೆಂನಾ.”