PROF. TIQUIA: PARANG TELENOVELA NA LANG ANG FLOOD CONTROL SCANDAL

Naalarma si Prof. Malou Tiquia, political analyst, sa naging pahayag ni dating DPWH Secretary Manuel Bonoan sa Sandiganbayan na wala umano siyang nakitang isyu kay dating Speaker Martin Romualdez kaugnay ng flood control anomaly, kabilang ang umano’y pagbibigay ng pabor o pagkuha ng pera. Kinuwestiyon ni Tiquia kung ito ba ang kabuluhan ng pagiging state witness ni Bonoan. Ani Tiquia, “Ako, ang dating sa akin, parang telenovela na lamang eh. Inilagay na lamang, ikinulong para may masabi na may napakulong, pero pakakawalan din dahil mahina ang ebidensya. Nakakalungkot ’yon kasi parang sinasabi natin na walang nawawalang pera.”