أولاد حاج الماحي - اليوم الحجاز لاح ضوّا برّاقو - نظم الشيخ حاج الماحي عليه الرحمة

اليوم الحجّاز لاح ضوَّا برّاقو اليوم الحجّاز لاح ضوَّا بَرَّاقو ذكَّرني الحبيب زاد حبّي مشتاقو بسم الله العبيد ساءل الله خلاَّقو قال ياربي إنت العاطي رزَّاقو نطلب منك شئ كمثل ما ذاقوا ذيك العارفين الفازو سُبّاقو أمدح للرسول من قلبي مشتاقو زّي حسَّان بصيري حبيب وَوَرّاقو البرعي الّلبيب لبّسنا باخلاقو قتلو الحب حليلو انشّقّ بي خناقو ليل وضع الرسول لاح نورو برّاقو ضوَّ الكون جميع الصّين مع عراقو نفح الطيب يفوح في البلدة عبّاقو اتهدم الصَّنم والكيفرين ضاقو يوم جمعوا الأنام واقف علي ساقو خايض في العرق ماسكلو في خناقو إبراهيم يَدُور عن سيدو طقاقو ما بيسأل من اسماعيل وإسحاقو سيد فضل الشَّفاعة اللينا لحّاقو جاهك حاق علي الثّقلين حوا وفاقو مفتاح الجنان الرّادو خَلّاقو الإنس والجُنُون متعلقة بُراقُو سُلطان الحقيقة الماهو حمّاقو ما انسبّب علي زولاً بدين عاقو سيد تاج المهابة الفيهُ بتناقو لولا الكون ظلاماً مالو فتّاقو سنّاد الغلابة البيتو ورّاقو بابك فاتحاً ماليهو غلاّقو أب قلباً رؤوف للجاني عتّاقو الصّيد المكتّف إنتَ طلاّقو أب مساً يداوي الصّايبو عشراقو جُودك فاق سحاب القبلة دفّاقو اليابس الهشيم خضَّرلو باوراقو والجزع اتعبر يتبكَّ بفُراقُو حُبك في قُلُوب الأمة حرّاقو جاب تكرور مدرمس يمشي ساساقو حازمين البطون ولبَاسَا دلَّاقو كُل زولاً قريعة وفي ايدو مُزراقو اليوم الرجال حزمو الجمال ساقو بي سهل الفريش يتبكو عُشّاقو يا حليلُن مكان اتّأدبوا وتاقو شافُو الدُّرّي يشلع فوقو برّاقو سُبحان المقسم لينا أرزاقو يَحي الناس بعد ما يبقو حُرَّاقو كيف صنع البصر زجّاهو باحداقو جلاّ اشما يريد مولانا خلّاقُو الماحي بيقول لي قُرّة أمباقو شاكي طشاش عيوني وانت شلّاقُو ياسيدي الرّسول الحال علي ضاقو راح ضوَّ النهار يبقالي رقراقو يادُخريّ خايف قلبي شفّاقو يا الصّديق تعال كون بيَّ رفّاقو يا الفاروق ويا عثمان كدي اتلاقو شوفوعيون حقيراً خشمو نتّاقو وينكُن يا علي اللي الحرب شقّاقو قتّال الرجال الليها فهّاقو مد ايديك علي الراس فيهو طرّاقو وَالمي من الصّبي كون انت مرّاقو بالستة البنو الدين وقّفو اركاقو العمّين صحاح لي قولي قولو صدّاقوا خالد بن الوليد في الكرنة زرّاقو يا المقداد سراع للتُّهمة تتباقو ياصاحب الوحي البي الحقّ نطّاقو ليك مادحاً يناديك ديمه ما فاقو ردّيت عين قتاد ياسيّد السحاقُو لا تشمّت علي حُساد وفُسّاقو النبّيان جميع الكون علي اطلاقو واملاك العرش والسبع الاطباقو وأُوُلو العزم يا السُبّاق ولُحَّاقو مبني السّاس علي لا تهدوّا دقّاقو يا غوث الاوان القبلو سُبَّاقو يا عبد الرَّحيم حسّان وورَّا قو المُدّاح جميع ليكُن دُعاي حاقو كُل زولاً قدُر مقدارو ما طاقُو الصّلا والسلّام بعدّ ما ساقُو بي عدد النبّات أحبابو واوراقو هاديها الّلبيب القلبو شفّاقو لي اب جاهاً حَوَي الكذّاب وسرّاقو