璀璨之城｜張智霖被高海寧連累齊焗蟹 吳卓羲投訴張曦雯唔畀面

璀璨之城｜張智霖被高海寧連累齊焗蟹 吳卓羲投訴張曦雯唔畀面 《璀璨之城》劇情峰迴路轉又激烈，呢幕講到 張智霖Chilam 原本十拿九穩嘅大項目，被細佬 吳卓羲 截糊要敗走，仲帶同老婆 張曦雯 加埋阿媽 江美儀 嚟踩場，氣氛凝重。拍攝呢場戲時Chilam雖然大讚對手好戲，但就笑言難頂 高海寧 忍唔住笑，明明人哋講緊好嚴肅對白時，佢會好似中咗笑穴咁焗蟹都當得，自不然就被佢影響到。 myTV SUPER重溫《璀璨之城》豪門家族爭產 https://www.mytvsuper.com/tc/programm... 美儀姐嘅角色喺中段出現加入官家戰場，同阿Ron飾演兩母子企同一陣線，兩人現實中係住隔離嘅鄰居好朋友，拍劇時做母子嘅感覺真係好特別，Ron笑指成份母愛出晒嚟。而Kelly夾喺兩母子中間，聽住佢哋唱雙簧，雖然完全攝唔到位講嘢，但都笑得好開心勁冧。 喺劇入面Kelly嘅闊太打扮貴麗，但身高就令阿Ron唔多滿意，仲投訴Kelly一啲都唔畀面，場場都著超高高踭鞋，搞到佢好自卑，所以美儀姐都話唔鍾意呢個新抱。Kelly就呵返阿Ron話覺得佢唔需要高度去代表自己，好似Tom Cruise同王祖藍一樣。 《璀璨之城》星期一至五晚 20:30 翡翠台 #璀璨之城 #吳卓羲 #張曦雯 #張智霖 #江美儀 #高海寧 #王祖藍 #自卑 #高度 #TomCruise #唱雙簧 #高踭鞋#TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0