📍ለማመን የሚከብድ📍ማህሌተ ጽጌው ላይ የተደረገ📍የካህናቱ አስደማሚ ድርጊት📍#አባ_ገብረኪዳን_ግርማ #

#ሥርዓተ ማኅሌት አመ ፰ ለጥቅምት ዘካልዕ ጽጌ በዓለ ፬ቱ እንስሳ ወኪሮስ ገዳማዊ 🌹🌹🌹🌹🌹🌹🌹🌹🌹🌹🌹🌹 የሁለተኛ ሳምንት ማኅሌተ ጽጌ 🌹🌹🌹🌹🌹🌹🌹🌹🌹🌹🌹🌹 #ስምዓኒ እግዚኦ ጸሎትየ ሃሌ ሉያ፤ ሃሌ ሉያ ወይብጻሕ ቅድሜከ ገዓርየ ሃሌ ሉያ፤ ሃሌ ሉያ ወኢትሚጥ ገፀከ እምኔየ፤ በዕለተ ምንዳቤየ አጽምእ ዕዝነከ ኀቤየ ሃሌ ሉያ፤ ሃሌ ሉያ አመ ዕለተ እጼውአከ ፍጡነ ስምዓኒ ሃሌ ሉያ፤ ሃሌ ሉያ ለዓለም ወለዓለመ ዓለም፤ ሃሌ ሉያ ዘውእቱ ብሂል፤ ንወድሶ ለዘሃሎ እግዚአብሔር ልዑል፤ ስቡሕ ወውዱስ ዘሣረረ ኲሎ ዓለመ፤ በአሐቲ ቃል። 💚💛❤ #መልክዓ ሥላሴ ሰላም ለኵልያቲክሙ እለ ዕሩያን በአካል፤ ዓለመክሙ ሥላሴ አመ ሐወፀ ለሣህል፤እምኔክሙ አሐዱ እግዚአብሔር ቃል፤ተፈጸመ ተስፋ አበው በማርያም ድንግል፤ወበቀራንዮ ተተክለ መድኃኒት መስቀል፡፡ 💚💛❤ #ዚቅ ሃሌ ሃሌ ሃሌ ሉያ ሃሌ ሃሌ ሃሌ ሉያ ሃሌ ሃሌ ሃሌ ሉያ ሐረገ ወይን፤እንተ በምድር ሥረዊሃ ወበሰማይ አዕፁቂሃ ሐረገ ወይን፤እንተ በሥሉስ ትትገመድ ወታፈሪ ለነ አስካለ በረከተ፤ሐረገ ወይን፤ሲሳዮሙ ለቅዱሳን፤ሐረገ ወይን፤ሠርዓ ሰንበተ በቃሉ ወጸገወ ሰላመ ለኩሉ። 💚💛❤ #ማኅሌተ ጽጌ በከመ ይቤ መጽሐፍ ማዕከለ ፈጣሪ ወፍጡራን፤ ለዕረፍት ዘኮንኪ ትእምርተ(ጽላተ) ኪዳን፤ሰንበተ ሰንበታት ማርያም ዕለተ ብርሃን፤ብኪ ይትፌስሑ ዘገነተ ጽጌ ጻድቃን፤ወብኪ ይወጽኡ ኃጥአን እምደይን፡፡ 💚💛❤ #ወረብ በከመ ይቤ መጽሐፍ ማዕከለ ፈጣሪ ወፍጡራን ዘኮንኪ ለዕረፍት ትእምርተ ኪዳን/፪/ ብኪ ይትፌስሑ ዘገነተ ጽጌ ጻድቃን ብርሃን ዕለተ ብርሃን/፪/ 💚💛❤ #ዚቅ ሰንበቶሙ ይእቲ ለጻድቃን ትፍሥሕት፤ሰንበቶሙ ይእቲ ለኃጥአን ዕረፍት፤ኅቡረ ንትፈሳሕ ዮም በዛቲ ዕለት፡፡ 💚💛❤ #ማኅሌተ ጽጌ ዓቢይ ውእቱ ተአምር ጸግዮትኪ በድንጋሌ፤ ወፈርዮትኪ በንጽሕ ቁርባነ አምልኮ መጥለሌ፤ ማዕጠንተ ሱራፌ ዘወርቅ ወጽዋዓ ኪሩብ ዕንቈ ቢረሌ፤ አልቦ ጸሎት ወአልቦ ትንባሌ፤እንበሌኪ ማርያም ዘየዓርግ ሉዓሌ። 💚💛❤ #ዚቅ ከመዝ ይቀድም መራናታ ወማዕጠንታኒ ዘወርቅ ወዉስቴታ መሶበ ወርቅ ዘመና በትረ አሮን እንተ ሠረፀት ላዕሌሃ ኀደረ ቃለአብ ዛ አንቀጽ እንተ እግዚአብሔር ጻድቃን ይበዉዑ ውስቴታ መላእክት ይኬልልዋ ላዕሌሃ ኀደረ ቃለአብ መላእክት ወሊቃነ መላእክት ይትለአክዋ እለ ይገብሩ መሥዋዕተ ዘበሕጉ። 💚💛❤ #ዓዲ ኦ ምዕራግ እምድር እስከ ሰማይ ወብኪ ተሐደሰ ቀዳሜ ኩሉ ፍጥረት 💚💛❤ #ወቦ (ሌላ) ማዕጠንትኑ ንብለኪ መዓዛ ስኂን ወልድኪ መላእክቲሁ ሠዋዕትኪ አቀብተ ጽንኃሁ ለበኲርኪ። 💚💛❤ #ወቦ ዘይቤ(ሌላ) ገነይነ ለኪ ኦ ወለተ ዳዊት ቢረሌ ንጽሕት ሙዳየ ዕፍረት በዘባቲ ተምዕዙ ካህናት። 💚💛❤ #ማኅሌተ ጽጌ፦ እንዘ ተሐቅፊዮ ለሕፃንኪ ጽጌ ፀዓዳ ወቀይሕ፤አመ ቤተ መቅደስ ቦእኪ በዕለተ ተአምር ወንጽሕ፤ንዒ ርግብየ ትናዝዝኒ እምላህ፤ወንዒ ሠናይትየ ምስለ ገብርኤል ፍሡሕ፤ወሚካኤል ከማኪ ርኅሩኅ። 💚💛❤ #ወረብ ንዒ ርግብየ ንዒ ርግብየ ምስለ ሚካኤል/፪/ ወንዒ ሰናይትየ ወንዒ ሰናይትየ ምስለ ገብርኤል ፍሡሕ/፪/ 💚💛❤ #ዚቅ በሰላም ንዒ ማርያም፤ትናዝዝኒ ኃዘነ ልብየ፤በሰላም ንዒ ማርያም ምስለ ሚካኤል ወገብርኤል፤በሰላም ንዒ ማርያም ምስለ ሱራፌል ወኪሩቤል፤በሰላም ንዒ ማርያም ምስለ ኲሎሙ ቅዱሳን፤በሰላም ንዒ ማርያም ምስለ ወልድኪ አማኑኤል፤በሰላም ንዒ ማርያም ለናዝዞ ኩሉ ዓለም። 💚💛❤ #ማኅሌተ ጽጌ፦ ክበበ ጌራ ወርቅ ጽሩይ እምዕንቄ ባሕርይ ዘይኀቱ፤ዘተጽሕፈ ብኪ ትእምርተ ስሙ ወተዝካረ ሞቱ፤አክሊለ ጽጌ ማርያም ለጊዮርጊስ ቀጸላ መንግሥቱ፤አንቲ ኩሎ ታሰግዲ ሎቱ ፤ወለኪኒ ይሰግድ ውእቱ። 💚💛❤ #ወረብ፦ ክበበ ጌራ ወርቅ ዘየሐቱ እምዕንቈ ባሕርይ/፪/ ማርያም አክሊለ ጽጌ ለጊዮርጊስ ቀጸላ መንግሥቱ/፪/ 💚💛❤ #ዚቅ ይእቲ ተዓቢ እምአንስት እሞሙ ለሰማዕት ወእኅቶሙ ለመላእክት መድኃኒቶሙ ለነገሥት አክሊል ንጹሕ ለካህናት ብርሃኖሙ ለከዋክብት። 💚💛❤ #ሰቆቃወ ድንግል ብክዩ ኅዙናን ኀልየክሙ ስደታ፤ወላህዉ ፍሡሐን ተዘኪረክሙ ብዙኃ ሠናይታ፤ማርያም ተዓይል ከመ ዖፍ ውስተ አድባረ ግብጽ ባሕቲታ፤ተአወዩ በኃጢኦታ ሀገረ አቡሃ ኤፍራታ፤ወደመ ሕፃናት ይውኅዝ በኵሉ ፍኖታ። 💚💛❤ #ወረብ፦ ብክዩ ኅዙናን ኀልየክሙ ስደታ ለማርያም /፪/ ማርያም ከመ ዖፍ ተዓይል ባሕቲታ ውስተ አድባረ ግብጽ/፪/ 💚💛❤ #ዚቅ፦ አመ አጒየይኪ እምሰይፍ ዕጓለኪ በሐቂፍ፤ አድባራተ ኤልኪ ከመ ዖፍ፤ እንዘ ከመ ዝናም ያንጸፈጽፍ፤እምአዕይንትኪ አንብዕ ወእመላትሕኪ ሐፍ።                         💚💛❤