ربنا جبر مرات اخويا وجابتلنا نونو صغير بقيت عمتو ياولاد اول مرة احس أن فرحانه من قلبي بكلمة عمتو 🥰

صباح الرضا من بيتي البسيط ❤️ صحيت 5:30 الصبح ، مشيت ولادي للمدرسة ودعيت لهم في طريق الرجوع ، فتحت بلكونة المطبخ وباب الانتريه ، الشمس والهوا دخلوا بيتي قبل أي حد ، والصباح كان هادي وصوت العصافير يرد الروح بجد... شغلت القرآن الكريم عالشاشة البيت كله اتملى بركة ، وصليت ركعتين الضحى اللي بيظبطوا اليوم كله. نزلت جبت طلباتي البسيطة والعيش لسه طالع طازة من الفرن ، شغلت الغسالة تخلص اللي وراها ، وغليت الحليب وعملت كوباية الباور 💪 اللي بتعدل مزاجي وبتخليني أكمل اليوم كله بطاقة! وبعدين دلعت ولادي وعملت الحلو البارد اللي بيموتوا فيه.. بطاطا بالكريم كراميل حاجة كده بتدوب في البوق 😋 وحضرت الغدا بدري بدري.. رول فراخ محشي فلفل ألوان ومكرونة حمرا تفتح النفس ، وغسلت مواعيني ومطبخي بقى بيبرق زي الفل ✨ هو ده روتيني البسيط اللي بحبه ، مفيهوش فرهدة ولا منظرة ، كله رضا وبركة.. ربنا جبر مرات اخويا وجابتلنا نونو صغير بقيت عمتو ياولاد اول مرة احس أن فرحانه من قلبي بكلمة عمتو 🥰 #بيتي_حياتي