Mansehra Se Nanga Parbat Base Camp Tak | Fairy Meadows Road,Biyal Camp Yaks Marmots Behtareen Safar

Assalam-o-Alaikum Dosto! ❤️ Is vlog mein ham aap ko apne zindagi ke sab se yaadgar safar par le kar ja rahe hain. Ham Mansehra se Fairy Meadows tak safar karte hain aur phir wahan se pedal track karte hue Nanga Parbat Base Camp tak pohanchte hain. Jab ham Raikot Pul se Fairy Meadows Road ki taraf barhay to achanak thandi aur taaza hawaon ne hamein khushgawar surprise diya. Is safar ki sab se khas baat ye thi ke mujhe pehli dafa Nanga Parbat ko itni qareeb se dekhne ka moka mila. Is azeem pahar ka husn aur shandaar manazir dekh kar har lamha yaadgar ban gaya. Is trekking ke doran hamein Biyal Camp aur Nanga Parbat Base Camp sab se zyada pasand aaye. Ham ne pehli dafa Yaks aur Marmots ko apni aankhon se dekha jo hamare liye bohat exciting experience tha. Raste mein mukhtalif mulkon se aaye foreign trekkers se mulaqat bhi hui jis ne is safar ko aur bhi dilchasp bana diya. Base Camp par chalti hui bohat tez aur sard hawaon ne trekking ko challenging bana diya, lekin Nanga Parbat ke qareeb kharay ho kar jo ehsaas hua us ki koi misaal nahi. Agar aap ko hiking, trekking, camping, mountains aur Pakistan ki khoobsurat jagahon ke travel vlogs pasand hain to video ko Like, Comment, Share aur Channel Subscribe karna na bhooliye.