საქართვლოს ძიუდოს ნაკრების წარმატება მსოფლიო ჩემპიონატზე

შთამბეჭდავი შედეგი ძიუდოს 2026 წლის მსოფლიო ჩემპიონატზე. საქართველოს ნაკრები სამშობლოში ორი ოქროს, ერთი ვერცხლის და ორი ბრინჯაოს მედლით დაბრუნდა. ამ შედეგებით ჩვენი ნაკრები გუნდურ ჩათვლაში მეორე ადგილზე გავიდა. განსაკუთრებით გამორჩეული აღმოჩნდა ტატო გრიგალაშვილის ასპარეზობა. სპორტსმენი ბაქოში მოპოვებული გამარჯვებით ოთხგზის მსოფლიო ჩემპიონი გახდა. პირველობა არავის დაუთმო ილია სულამანიძემ, რომელმაც ფინალში იაპონელი დოტა არაი დაამარცხა და 100 კილოგრამ წონით კატეგორიაში, ნაკრებს დამოუკიდებელი საქართველოს ისტორიაში პირველი ოქროს მედალი მოუტანა. რაც შეეხება გუნდურ შეჯიბრებას, ტურნირის დასკვნით დღეს ქართველებმა ბრინჯაოს მედლისთვის ბრძოლაში ჩინეთის ნაკრები დიდი სხვაობით დაამარცხეს და მედლები მოიპოვეს. მანამდე, გადამწყვეტი „ოქროს ქულა“ საფრანგეთთან შეხვედრაში ტრავმირებულმა, ორგზის ოლიმპიურმა ჩემპიონმა ლაშა ბექაურმა აიღო, რითაც საქართველოს ნაკრებს მესამე ადგილისთვის ბრძოლის შანსი შეუნარჩუნა.  ეწვიეთ ჩვენს საიტს - https://1tv.ge/ მოიწონეთ ჩვენი გვერდი -   / 1stchannel.1tv.ge   გამოიწერეთ ჩვენი არხი -    / georgianpb   ვიდეო წარმოადგენს საზოგადოებრივი მაუწყებლის საკუთრებას. მისი გავრცელება შეგიძლიათ მხოლოდ ბმულის გაზიარებით. დაუშვებელია მასალის ჩამოტვირთვა და სხვაგან ატვირთვა, ამ შემთხვევაში მაუწყებელი უფლებას იტოვებს მიმართოს შესაბამის ზომებს.