प्यूठानको इतिहास र वर्तमान | Pyuthan | Visit Pyuthan | UkaloOralo

प्यूठान भन्नासाथ धेरैको मनमा झल्किन्छ हराभरा झिमरुक फाँट—बीचमा बग्ने झिमरुक नदी, दायाँबायाँ लहराउँदै गरेका धानबाली। तर नदी कटान र अनियन्त्रित शहरी विस्तारका कारण यो दृश्य धमिलिँदै गएको छ। २०६३ सालसम्म प्रायः खाली रहेका जुम्री, बिजुवार र बाग्दुला क्षेत्र अहिले घरहरुले भरिएका छन्। करिब ६०० हेक्टर खेतीयोग्य जमिन बासस्थानमा परिणत भएको जनाइएको छ। झिमरुक मात्र होइन—नौबहिनीको बाहाने फाँट, मच्छि फाँट, गौमुखीको ठूलाबेसी फाँट र ऐरावतीको बरौला फाँट पनि तीन बाली लगाउन सकिने उपजाउ क्षेत्र हुन्। सिँचाइ सुविधा भए पनि ती क्षेत्रमा बस्ती फैलँदा खेत बाँझो बन्दै गएको स्थानीयको गुनासो छ। प्यूठानको ६,५५० हेक्टर धान खेतीयोग्य जमिनमध्ये झिमरुक नदी किनारका फाँटहरूले मात्रै ७० प्रतिशत हिस्सा ओगटेका छन्। तर कृषियोग्य भूमि जोगाउन स्थानीय तहहरूले दीर्घकालीन योजना ल्याउन सकेका छैनन्। कृषि विज्ञहरू भन्छन्, “झिमरुक जस्ता फाँटलाई कृषि उत्पादनसँग जोडेर रोजगारी र खाद्य सुरक्षाको स्थायी आधार बनाइनु पर्छ।” यदि अहिले कदम नचालिए, प्यूठानका फाँटहरू केवल सम्झनामा सीमित हुन सक्छन्। Script: Salim Mia Video: Mohan sunar Voice: Mukesh Gyawali Edit and Support: Sagar Bhattarai/ Suraj Bhattarai Audio Music: https://pixabay.com/music/world-relax...