Ağdaşda erkən nikaha cəhd: toy təxirə salındı

Ağdaş rayonunun Xosrov kəndində yerləşən “Ofelya” şadlıq sarayında yetkinlik yaşına çatmayan şəxsi erkən nikaha cəlb etmək istəyiblər. Bu barədə Ailə, Qadin və Uşaq Probelmləri üzrə Dövlət Komitəsindən açıqlama verilib. Məlumata görə, aidiyyəti qurumlar dərhal məlumatlandırılıb və Ağdaş Rayon Polis Şöbəsinin əməkdaşları tərəfindən araşdırma aparılıb. Daxili İşlər Nazirliyi mətbuat xidmətinin regional qrupundan isə bildirilib ki, faktla bağlı Rayon Polis Şöbəsinin əməkdaşları tərəfindən zəruri bütün tədbirlər icra edilib,. Araşdırma zamanı qızın 17 yaşının tamam olduğu müəyyən edilib və planlaşdırılan toy məclisi təxirə salınıb. Polis əməkdaşları, eləcə də digər aidiyyəti qurumların məsul şəxsləri oğlan və qızın valideynləri ilə izahedici söhbətlər aparıblar, qeyd olunan halın hüquqazidd olması onların diqqətinə çatdırılıb. Qeyd edək ki, "İTV Xəbər"in çəkiliş qrupu da ərazidə olub. Baş verənlərə etiraz edən toy sahibləri İctimai Televiziya və digər media əməkdaşlarının çəkiliş qrupuna hücum ediblər. Bizi İzləyin: Whatsapp: https://bit.ly/457kdup Facebook: https://bit.ly/3H6GtMT Instagram: https://bit.ly/46wEkoi Teleqram: https://bit.ly/3INUKP2 Sayt: https://bit.ly/3UzGQme Copyright © İCTİMAİ TV #Ağdaş #erkənnikah #uşaqhüquqları #AiləQadınvəUşaqKomitəsi #DaxiliİşlərNazirliyi #polis #İctimaiTV #şadlıqsarayı #qanunvericilik #cəmiyyət