Nakin Guda Keva Khulav | Mir Ahmed Baloch | Aziz Abadi

Nakin Guda Keva Khulav Song: Nakin Guda Keva Khulav Singer: Mir Ahmed Baloch Poet: Aziz Abadi Lyrics: نے کن گُڑا کیوہ کلہو جنگ و جدل تیان پد خلق اٹ کہ بس خوشی امن،نے کِن گُڑا کیوہ کلہو مِستائی اس چلتن ہلے، گواڑخ دسے دشت و دمن،نے کِن گُڑا کیوہ کلہو ڈُکال کائے چَٹ مرے، ہر چار کُنڈ ہُورہ مرے،شنزہ اس مَش تا شلے دنزو مُج ءِ اودیم کے، سلے سفا کے خل خلءِ گٹ و گرا تا تل تلے ورنا تا کڑدہ جل جل اٹ، گز کے سرونز ءِ سوز اٹی برنازئنا لاڈے لڈے چکّے تہو ہم سوب نا، پِرّک سما کے بش مرے، پُھل آتیا پیری خلے خوشبو زباد و گہوش اٹی، لُڈِر سُرر سوسَن سمن، نے کِن گُڑا کیوہ کلہو مِستائی اَس چلتن ہلے، گواڑخ دَسے دشت و دمن،نے کِن گُڑا کیوہ کلہو دا اُست نا ارمان ارے، او پاش کے غیب آن برے، داخواہش ءِ دا جستجو دَنز اٹ اَسٹ ورنا مرے، سربالہ غان شیفی دَڑے، بولان اٹی کے مون دُو ای دم درے تینا خنیو، مول ءِ ملے شَکّل شَلے، کن تون تُولے رُو بہ رُو پِرک بٹنگو تولیفِیو، پُھل اٹ کسر تہ بیرفیِو، نے تون مریو ای دُو پہ دُو نی ساہ و جاں بند اُست انا، مچہ سلہ نی گُل بدن،نے کِن گُڑا کیوہ کلہو مِستائی اس چلتن ہلے، گواڑخ دَسے دشت و دمن،نے کِن گُڑا کیوہ کلہو ہر پیر مڑد ءِ ای خنِیو، بِجّار کے سرگشت کے، او تین پہ تین حال و حوال تُرّہ خلے دستار اٹی، کے زند و مرک آسانی اٹ، کس ظلم کے دیرءِ مجال۔؟ زیبا  چُنا  ہِچ گم مفے، کوچہ گلی ٹی لیب کے،شالہ برے غم تے زوال کاٹم مَشے گیسُو گفے، کونٹ آتے چنڈے روفہ کے،بوکی گُد اٹ ہر شیرزال شیئر آتے ٹی او نازیفر،لیلیٰ وطن، لیلیٰ وطن، نے کِن گُڑا کیوہ کلہو مِستائی اس چلتن ہلے، گواڑخ دَسے دشت و دمن،نے کِن گُڑا کیوہ کلہو مہلب دُرالک تِرک کے، چِکّے پُدین آ گہوش ہم، ہر ڈکھ غم سرجہ مرے بُٹ آتیا تُولے شوان، شُوکار کے بیِنہ خلے،او مال انا خواجہ مرے دِیر ہم کُنیر او چشمہ غان، انصاف ءِ ہم دا وڑ خنِیو،خرما و سور اسہ جہ مرے مہر و محبت تین پہ تین، برداشت سینہ سگھ ءِ ہم اُست آتے ٹی جاگہ مرے غیر آتے کن خیسُن خنی، تینا تے کِن بس دیدہ خن، نے کِن گُڑا کیوہ کلہو مِستائی اَس چلتن ہلے، گواڑخ دَسے دشت و دمن،نے کِن گُڑا کیوہ کلہو جان و جغر کوپہ کنا،اے خون ئناخواجہ کنا، بُڑزآن برے دستار اتون قول و قسم وعدہ کرے، داکان ہِنا،آخر بریک او سوب ئنا استار اتون دُو ءِ تینا رِیش آ تخا، ہورے تینا بُڑزا کرے،او جوزہ اٹ اقرار اتون خید اٹ اَسٹ مولءِ ملو،آستونک ئنا دُوشہ خنو، ولدا ٹہو سردار اتون اےظلم ئنا قصہ ختم،اے مُتکن آ سوچاک ہم، آخر مرور او ہم دفن،نے کِن گُڑا کیوہ کلہو مِستائی اس چلتن ہلے، گواڑخ دَسے دشت و دمن،نے کِن گُڑا کیوہ کلہو ٭ Hameed Aziz Abadi #balochistan​​​​​​ #newsong​​​​​​ #balochisong​​​​​​ #karwanproduction​​​​​ #bravhisong​