MC張天賦《狂人日記》晒唱功 Kaho洪嘉豪開騷爆喊：自己係咪咁冇存在價值（#MC張天賦 #洪嘉豪 #娛壹）

MC張天賦同洪嘉豪（Kaho）喺旺角麥花臣場館舉行《我是現場》演唱會，Kaho表演時大晒琴技，自彈自唱時觀眾大叫：「好靚仔！」 不過Kaho自爆係一個冇乜自信心嘅人，爆喊話：「呢種感覺唔係無中生有，個零月前睇到一篇關於我參與過嘅一個活動嘅報道，當中提及出席嘅藝人，但佢提及所有人就係冇提到我，我嗰刻覺得自己係咪咁渺小呢？自己係咪咁冇存在價值呢？咁諗就令自信心低，跟住自信心繼續差落去，呢啲事情發生咗好多次，但係原來呢幾年我搵唔到存在價值嘅時候，你哋搵到。」 而MC獨唱時揀咗幾首高難度歌曲挑戰自己，包括Jer@MIRROR《狂人日記》、太陽@BIGBANG《Eyes, Nose, Lips》，唱完《狂人日記》後，MC話呢首歌真係幾狂人，佢仲話自己唔識韓文，所以唱《Eyes, Nose, Lips》係靠逐粒字死記。 ----------------------------- 即刻跟住Follow 晒我哋Channel： FB： http://fb.me/as1hk.entertainment IG：   / as1.entertainment   YT：   / @as1.entertainment