陳蕾終踏上紅館開騷 寧演唱有瑕疵亦決不做假

陳蕾終踏上紅館開騷 寧演唱有瑕疵亦決不做假 出道14年嘅 陳蕾 ，終於圓夢踏上紅館開騷，舉行一連四場嘅演唱會。成個騷不論係編排定視覺都為觀眾帶嚟震撼感，帶上頭紗嘅陳蕾坐喺十字架棺木造型嘅鋼琴自彈自唱登場，之後除去頭紗嘅佢就帶血瞓喺棺木鋼琴上緩緩起身演繹接住嘅作品，帶出歌曲嘅意味。 除咗靜態慢歌，陳蕾喺大屏幕轉換成另一個背景後，就獻唱一連串勁歌，令現場氣氛推至高峰。首度踏上夢想嘅舞台，陳蕾都好感觸，佢形容自己喺台上好似進入一個深流狀態，好享受每一分每一秒。佢亦話演出一定有瑕疵，仲問大家寧願睇佢小心翼翼唱，定係帶住瑕疵放開嚟唱，佢就話自己都會擁抱所有嘅瑕疵，即使而家有好多科技會令到演唱會嘅聲音會完美少少，但佢就冇呢啲嘢嘅，走音嗰啲由佢走，人性嚟㗎嘛，呢啲都係自己當下嘅情緒。 #陳蕾 #紅館演唱會 #圓夢 #踏上紅館開騷 #十字架棺木鋼琴 #瑕疵 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0