PBBM, kinilala ang mga Pilipinong nag-alay ng buhay pati ang patuloy na lumalaban para sa Pilipinas

Sa paggunita ng National Heroes Day sa Libingan ng mga Bayani, binigyang-pugay ni Pangulong Ferdinand R. Marcos Jr. ang mga bayaning nag-alay ng kanilang buhay at panahon para sa bansa. Binigyang-diin ng Pangulo na hindi lamang sa kasaysayan makikita ang kabayanihan. Nariyan din ang mga OFW, guro, healthcare workers, sundalo, pulis, bumbero, emergency responders, magulang at iba pang Pilipinong patuloy na nagsisilbi at nagsasakripisyo para sa kapwa. Kinilala rin ni PBBM ang Philippine Coast Guard, Armed Forces of the Philippines, BFAR at mga mangingisda na patuloy na nagbabantay at naghahanapbuhay sa West Philippine Sea. Para sa Pangulo, ang makabagong kabayanihan ay ang pagtupad sa responsibilidad, pagtatanggol sa ating karapatan at soberanya, at pagkakaisa para sa isang malakas, malaya at matatag na Pilipinas. #RadyoPilipinas #RadyoPubliko #ISM #IntegratedStateMedia