Derdime Derman Olan - Hz Uftade

Ey ʿaceb bilsem nedür bu derdüme dermān olan On sekiz biñ ʿāleme ḥükm eyleyüp sulṭān olan Ol baña benden yaḳın iken beni böyle maḥcūb iden Ḥasret odına yaḳup görinmeyüp nihān olan Göñlümi yaġmalayup ʿaḳlum alup mecnūn iden Sırruma teʾŝḭr idüp bu cānuma cānān olan Tenbellikdür şübhesüz bu derdlere dūçār iden Ḳapularu baġlayup yol virmeyüp zindān olan Her kim ölmezden evvel öldi ise bir nefes Ol durur Ḥaḳ yolına cānın virüp ḳurbān olan Gör ol maṭlūbını irişüben maḳṣūdına Ayrılıḳdan ḳurtılur içi ṭışı insān olan Ben dimekden fāriġ ol ey derdmend Üftāde sen Ben diyendür ayruluḳda ḳaluben ḥayvān olan Hz. Pir Muhammed Muhyiddin Üftade K.S.