TE DEUM (male voice) #lagurohani #lagubahasadaerah #pakpak #dairi

Ko Débata, Tuhannami,* kupoji janah kumuliaken kami Ko. Bapa si amman sumendah,* suberi dunia mersembah Bamu. Karina malèkat merèndé Bamu,* karina pengisi sorga mengoang-oang. Bamu ngo Kerubim deket Serafim,* oda merpengadi-ngadin memoji-moji Ko: Simbadia, simbadia, simbadia ngo Tuhan,* Débata sagumanna kuasa. Sorga deket dunia èn,* dom kemulianMu. ¬ Dempak Ko karina rasul mendokken lias atè,* Rombongen karina nabi mersembah. Dempak Ko, barisen karina martir kipéléken diri,* merkité kiberèken kesahna. Dempak Ko merkepercayan Kuria Simbadia,* si tersebar i suberi dunia èn. Alé Bapa Pergegoh si so tercodi,* Si menghana sagumanna si lot. Anak kenohè si terpoji,* Anak sasada ni Bapa. Tendi Perbadia, cuhaya mulia,* Pengapoi ruas si percaya. Kono ngo Raja si meheji, alé Kristus,* Kono ngo Anak ni Débata singgeluh. Enggeut ngo Ko ikinibéakken Santa Maria,* gabé jelma maing keluahennami. Irentes Ko ngo rante kematèn * ibuka Ko ngo pèntu kerajan sorga bainami. Mertahta mulia ngo Ko i kamuhen Bapa,* mengadili karina jelma. Kupengido kami, kelini mo kandu-kanduMu,* si nitebusMu merkité darohMu sendiri. Jalo mo kami rasken karina kalak simbadia,* ibagasen kemulian amman sumendah.