धारावीतील युवकावर यशस्वी ब्रेन ट्यूमर शस्त्रक्रिया | दादरच्या धन्वंतरी हॉस्पिटलमध्ये उपचार | DDMNEWS

मुंबईतील धारावी परिसरात राहणाऱ्या एका युवकावर दादर येथील धन्वंतरी हॉस्पिटल अँड रिसर्च सेंटरमध्ये ब्रेन ट्यूमरवर यशस्वी शस्त्रक्रिया करण्यात आली आहे. अमित सुरेश नागडा असे रुग्णाचे नाव असून अचानक चक्कर येऊन घरी पडल्याने त्यांना तातडीने रुग्णालयात दाखल करण्यात आले होते. रुग्णालयात डॉक्टरांनी केलेल्या तपासणीत त्यांच्या मेंदूमध्ये गाठ असल्याचे निदान झाले. त्यानंतर वरिष्ठ डॉक्टर आर. व्ही. कळंबेकर यांच्या मार्गदर्शनाखाली डॉ. नीरज सिंग यांनी ही गुंतागुंतीची शस्त्रक्रिया यशस्वीरीत्या पूर्ण केली. सुमारे १५ दिवस उपचार घेतल्यानंतर रुग्णाची प्रकृती स्थिर झाल्याने त्यांना रुग्णालयातून डिस्चार्ज देण्यात आला आहे. उपचारानंतर रुग्णाने डॉक्टर आणि नर्सिंग स्टाफ यांच्या सेवांचे कौतुक करत समाधान व्यक्त केले. दरम्यान, या प्रकरणाची माहिती रुग्णाच्या संमतीने देण्यात आली असून डॉक्टरांनी वेळेवर उपचार आणि तपासणीचे महत्त्व अधोरेखित केले आहे. #MumbaiNews #Dharavi #BrainTumorSurgery #MedicalSuccess #Dadar #Healthcare #HospitalNews #MumbaiHealthcare #BreakingNews #DDMNews #धगधगतीमुंबई #MumbaiUpdates