Нарында сөөлжан багып, жер семиртүүнүн жолун тапкан жеке ишкер | Өнүгүүгө карай

Нарында жер айдап, мол түшүм алуу үчүн жаңыча багыттар пайда болду. Тактап айтканда, сөөлжан багып, андан жер семирткич алып, жерди байытууда. Бул ыкманы Теңир-Тоо жергесинде биринчилерден болуп баштаган жеке ишкер Урмат Акунов өз фермасына 40 тонна кыкка сөөлжан салды. Анын айтымында 3 ай аралыгында органикалык жер семирткич даяр болот. Аны алгач өзү айдаган жерлерине себет. Ишкер бул жол менен каражат таап, байыса да болоорун белгилеп, башкаларга да үйрөтүп, атүгүл баштайм дегендерге "биогумус" алып берем деген ниетте. Учуда сөөлжандын килограммы 200 сомдон сатылса, андан бөлүнүп чыккан жер семирткич 30 сомго чейин бааланууда. Көп тараптуу ишкер Урмат Акуновдун эң биринчи максаты - органикалык жер семирткичти облуска жайылтуу.